बॉलिवूडमधील लोकप्रिय जोडी सिद्धार्थ मल्होत्रा व कियारा अडवाणी ७ फेब्रुवारीला विवाहबंधनात अडकले. कुटुंबीय व नातेवाईंकाच्या उपस्थितीत सिद्धार्थ-कियाराचा शाही विवाहसोहळा पार पडला. जैसलमेरमधील सूर्यगड पॅलेसमध्ये सिद्धार्थ-कियाराने लग्नगाठ बांधली. लग्नानंतर सिद्धार्थ-कियाराच्या वेडिंग रिसेप्शनचे फोटोही सोशल मीडियावर व्हायरल होत आहेत. रविवारी(१२ फेब्रुवारी) मुंबईत सिद्धार्थ-कियाराच्या वेडिंग रिस्पेशन पार्टीसाठी बॉलिवूड कलाकरांनी हजेरी लावली होती. कॅप्टन विक्रम बत्रा यांच्या कुटुंबियांनाही या पार्टीचं निमंत्रण देण्यात आलं होतं. सिद्धार्थ-कियाराला शुभेच्छा देण्यासाठी कॅप्टन बत्रा यांचे कुटुंबीय उपस्थित होते. हेही वाचा>> “गर्लफ्रेंडला प्रेग्नंट करुन तो…” आदिल खानबाबत राखी सावंतचा खुलासा, पतीवर असलेल्या बलात्काराच्या आरोपाचाही केला उल्लेख हेही वाचा>> रिसेप्शन सोहळ्यात सिद्धार्थ-कियाराचा कुटुंबियांसह भन्नाट डान्स, हॉटेलमधील Inside Video व्हायरल कॅप्टन बत्रा यांच्या भावाने पत्नी व मुलीसह सिद्धार्थ-कियाराच्या वेडिंग रिसेप्शन सोहळ्याला हजेरी लावली होती. सिद्धार्थ-कियाराने कॅप्टन बत्रा यांच्या कुटुंबियांसह फोटोसाठी पोझही दिल्या. वेडिंग रिसेप्शन सोहळ्यातील त्यांचा फोटो सोशल मीडियावर व्हायरल होत आहे. हेही पाहा>> रिसेप्शन सोहळ्यातील कियारा अडवाणीच्या नेकलेसची चर्चा, नेटकरी म्हणाले “कुंकू आणि मंगळसूत्र…” सिद्धार्थ-कियाराने 'शेरशाह' चित्रपटात पहिल्यांदा एकत्र स्क्रीन शेअर केली होती. कॅप्टन बत्रा यांच्या शौर्यावर आधारित हा चित्रपट आहे. या चित्रपटात सिद्धार्थने कॅप्टन विक्रम बत्रा यांची भूमिका साकारली होती. चित्रपटाच्या दरम्यानच सिद्धार्थ-कियारामध्ये जवळीक वाढली होती. लग्नाआधी अनेक दिवस ते रिलेशनशिपमध्ये होते.
