बॉलिवूडमधील लोकप्रिय सिद्धार्थ मल्होत्रा व कियारा अडवाणी ७ फेब्रुवारीला विवाहबंधनात अडकले आहेत. सिद्धार्थ-कियाराने कुटुंबीय व नातेवाईकांच्या उपस्थितीत लग्नगाठ बांधली. जैसलमेरमधील सूर्यगड पॅलेसमध्ये सिद्धार्थ-कियाराचा शाही विवाहसोहळा पार पडला.
लग्नानंतर सिद्धार्थ-कियाराने मुंबईत रिसेप्शन पार्टीचं आयोजन केलं होतं. रविवारी(१२ फेब्रुवारी) सिद्धार्थ-कियाराचा रिस्पेशन सोहळा पार पडला.त्यांच्या रिसेप्शन सोहळ्यातील फोटो व व्हिडीओ सोशल मीडियावर व्हायरल होत आहेत. ‘विरल भय्यानी’ या पापाराझीच्या पेजवरुन सिद्धार्थ-कियाराचा एक व्हिडीओ शेअर करण्यात आला आहे. या व्हिडीओमध्ये सिद्धार्थ-कियारा ‘बुर्ज खलिफा’ गाण्यावर कुटुंबियांसह डान्स करताना दिसत आहेत. सिद्धार्थ-कियाराच्या पार्टीतील हा व्हिडीओ सोशल मीडियावर व्हायरल होत आहे.
हेही वाचा>> लग्नासाठी लाखो रुपयांचा खर्च; पण रिसेप्शन लूकमुळे सिद्धार्थ-कियारा ट्रोल, नेटकरी म्हणाले “नवविवाहित जोडपं…”
हेही वाचा>> Bigg Boss 16:’बिग बॉस’चा विनर ठरलेल्या एमसी स्टॅनसाठी उर्फी जावेदचं ट्वीट, हार्ट इमोजी पोस्ट करत म्हणाली…
रिसेप्शन सोहळ्यासाठी सिद्धार्थने काळ्या रंगाचा ब्लेझर परिधान केला होता. तर कियाराने लाँग गाऊन व ज्वेलरीमध्ये हटके लूक केला होता. त्यांच्या रिसेप्शन सोहळ्याला बॉलिवूडमधील सितारे अवतरले होते. आलिया भट्ट, विद्या बालन, अजय देवगण-काजोल, भूमी पेडणेकर, आकाश अंबानी या सेलिब्रिटींनी सिद्धार्थ-कियाराच्या रिसेप्शन सोहळ्याला हजेरी लावली होती.
हेही वाचा>> “फरक पडत नाही भावा…” ‘बिग बॉस १६’चं विजेतेपद हुकल्यानंतर शिव ठाकरेसाठी किरण मानेंची पोस्ट
सिद्धार्थ व कियारा गेले अनेक दिवस रिलेशनशिपमध्ये होते. ‘शेरशाह’ चित्रपटादरम्यान त्यांच्यात जवळीक वाढली होती. या चित्रपटात त्यांनी पहिल्यांदाच स्क्रीन शेअर केली होती. सिद्धार्थ-कियाराने लग्नगाठ बांधल्याने चाहतेही खूश आहेत.
