Singer Armaan Malik got married to Aashna Shroff: नवीन वर्षाच्या सुरुवातीला प्रसिद्ध बॉलीवूड गायक अरमान मलिक विवाहबंधनात अडकला आहे. अरमानने त्याच्या इन्स्टाग्राम अकाउंटवर फोटो शेअर करून ही आनंदाची बातमी चाहत्यांना दिली. अरमानने त्याची गर्लफ्रेंड आशना श्रॉफशी लग्न केलं आहे. मागील बऱ्याच वर्षांपासून अरमान व आशना रिलेशनशिपमध्ये होते. अखेर दोघांनी लग्नगाठ बांधली असून आयुष्यातील नवीन प्रवासाला सुरुवात केली आहे.
‘मैं रहूँ या ना रहूँ’, ‘जेहर’, ‘बोल दो ना जरा’, ‘पहेला प्यार’, ‘मुझको बरसात बना लो’ अशा अनेक लोकप्रिय गाण्यांचा गायक अरमान मलिकने आयुष्यातील नवीन इनिंग सुरू केली आहे. अरमानने त्याची गर्लफ्रेंड आता पती-पत्नी झाले आहेत. अरमानने इन्स्टाग्रामवर लग्नातील फोटो पोस्ट केले आहेत. ‘तू है मेरा घर’ असं कॅप्शन अरमानने या फोटोंना दिलं आहे.
हेही वाचा – प्रसिद्ध मराठी अभिनेत्रीने ३१ डिसेंबरला बांधली लग्नगाठ, पारंपरिक पद्धतीने पार पडला सोहळा, पाहा Photos
अरमान मलिकने पत्नी आशनाला टॅग करत लग्नाचे ६ फोटो शेअर केले आहेत, ज्यामध्ये ते दोघेही लग्नाचे विधी पूर्ण करताना दिसत आहेत. अरमान व आशना यांच्या लग्नातील लूकची खूप चर्चा होत आहे. आशना केशरी रंगाच्या लेहेंग्यात खूप सुंदर दिसत आहे, तर अरमानने फिकट गुलाबी रंगाची शेरवानी घातली आहे, दोघेही एकत्र खूप क्यूट दिसत आहेत.
हेही वाचा – ‘तारक मेहता..’ फेम ‘सोनू भिडे’ अडकली लग्नबंधनात, बाबाची भूमिका करणारा मंदार चांदवडकर माफी मागत म्हणाला…
पाहा पोस्ट –
अरमानची पत्नी आशनाबद्दल बोलायचे झाल्यास ती ग्लॅमरविश्वात सक्रिय आहे. आशना एक लोकप्रिय यूट्यूबर आहे, ती फॅशन आणि ब्यूटी व्लॉग बनवते. तिचा सोशल मीडियावर लाखो फॉलोअर्स आहेत. अरमान मलिकपेक्षा आशना वयाने मोठी आहे. अरमान २९ वर्षांचा असून आशना ३१ वर्षांची आहे. (Armaan Malik Aashna Shroff Age Gap)
अरमान मलिकने ऑगस्ट २०२३ मध्ये त्याची गर्लफ्रेंड आशनाशी एंगेजमेंट केली होती, ज्याचे फोटो सोशल मीडियावर व्हायरल झाले होते. त्यानंतर दोघेही २०२४ मध्ये लग्न करणार असल्याच्या चर्चा होत होत्या. पण २०२५ सुरू होताच त्यांच्या लग्नाचे फोटो समोर आले आहेत. अरमान व आशनाने त्यांच्या लग्नाची तारीख जाहीर केलेली नाही.
