सोनम कपूर बॉलिवूडमधील लोकप्रिय अभिनेत्री आहे. आपल्या फॅशनमुळे सोनम नेहमीच चर्चेत असते. अभिनयापासून लांब असली तरी सोनम सोशल मीडियावर मोठ्या प्रमाणात सक्रिय आहे. आपल्या मुलगा वायूबरोबरचे फोटो शेअर करत सोनम चाहत्यांना अपडेट देत असते. दरम्यान सोनमचा एक व्हिडीओ सोशल मीडियावर व्हायरल झाला आहे. या व्हिडीओवरून नेटकऱ्यांनी सोनमला मोठ्या प्रमाणात ट्रोल केलं आहे.
तब्बल चार वर्षानंतर सोनम कपूर रॅम्प वॉक करताना दिसली. यावेळी सोनमने पांढऱ्या रंगाचा लेहंगा घातला होता. लेहेंग्याला साजेशे दागिनेही घातले होते. तसेच सोनमने न्यूड मेकअप करत आपला लूक पूर्ण केला होता. या लूकमध्ये सोनम खूप सुंदर दिसत होती. सोनमचा रॅम्प वॉक करतानचा व्हिडीओ सोशल मीडियावर व्हायरल झाला आहे. मात्र, या व्हिडीओवरून अनेकांनी तिला ट्रोल केलं आहे.
सोनमच्या ‘या’ व्हायरल व्हिडीओवरुन ती गरोदर असल्याच्या चर्चा रंगल्या आहेत. अनेक नेटकऱ्यांनी या व्हिडीओवर कमेंट केली आहे. एकाने कमेंट करत विचारलं. “ती गरोदर आहे का? जर नसेल तर तिच्या चालण्याची पद्धत खूप विचित्र आहे.” तर काहींनी तिला रॅम्प वॉकवरूनही ट्रेल केलं आहे. नेटकऱ्यांनी सोनमला रॅम्प वॉक करता येत नसल्याचं म्हणलं आहे.
हेही वाचा- प्रकाश राज यांनी कंगना रणौतची उडवली खिल्ली; अभिनेत्रीचा ‘तो’ व्हिडीओ रिट्वीट करत म्हणाले…
सोनमच्या कामाबाबत बोलायचं झालं तर ‘सावरिया’ चित्रपटातून तिने बॉलीवूडमध्ये पदापर्ण केलं. या चित्रपटात तिच्याबरोबर रणबीर कपूर झळकला होता. सोनम आणि रणबीरचा तो पहिलाच चित्रपट होता. सोनम शेवटची ब्लाइंड चित्रपटात दिसली होती. बॉक्स ऑफिसवर हा चित्रपट फ्लॉप ठरला होता. २०१८मध्ये सोनमने आनंद अहुजाबरोबर लग्नगाठ बांधली. गेल्याच वर्षी ऑगस्ट महिन्यात सोनमने गोंडस मुलाला जन्म दिला. त्याचं नाव त्यांनी ‘वायू’ असं ठेवलं आहे.
