टीव्हीवर प्रदर्शित होणार होता ‘आशिकी’ सिनेमा, गाणी हिट झाल्यावर बनवला चित्रपट, बजेट होतं फक्त ‘इतके’ लाख

मंजू रमाननशी बोलताना दीपक तिजोरीने चित्रपटाबद्दल काही रंजक गोष्टी सांगितल्या. “जेव्हा आशिकीची निर्मिती केली जात होती, तेव्हा त्याचे बजेट फक्त ४० लाख रुपये होते. तो चित्रपट टीव्हीवर प्रदर्शित केला जाईल असं आम्हाला वाटत होतं. गुलशन कुमार यांनी जसा ‘लाल दुपट्टा मलमल का’ सिनेमा बनवला होता, तसाच हाही एका छोट्या चित्रपटाप्रमाणे बनवला जात होता. हा एक लहान चित्रपट आहे, असं समजून आम्ही ‘आशिकी’ चित्रपटात काम करत होतो,” असं दीपक म्हणाला.

हेही वाचा – माधुरी दीक्षितवर जडला जीव, मॅच फिक्सिंगमध्ये अडकला अन् तिने…; भारताच्या सर्वात श्रीमंत क्रिकेटपटूची अधुरी प्रेमकहाणी

गुलशन कुमार यांनी केली होती मदत

दीपक तिजोरीने सांगितलं की टी-सीरीजचे संस्थापक दिवंगत गुलशन कुमार यांनी चित्रपटाच्या निर्मितीमध्ये महत्त्वाची भूमिका बजावली होती. त्यांनी आधी त्यातील गाणी हिट केली आणि नंतर चित्रपटाच्या निर्मितीचे काम सुरू केले. या चित्रपटाचे बजेट नंतर वाढले होते. ८० लाख ते एक कोटी रुपयांमध्ये या चित्रपटाची निर्मिती झाली होती. भारतात या चित्रपटाने साडेचार कोटी, तर जगभरात या सिनेमाने पाच कोटी रुपयांची कमाई केली होती.

हेही वाचा – ‘बाहुबली’ फेम अभिनेता ४७ व्या वर्षी अडकला लग्नबंधनात, पत्नीबरोबरचा समुद्रकिनाऱ्यावरील फोटो केला शेअर

“गुलशन यांनी सर्वात आधी ‘लाल दुपट्टा मलमल का’ ची गाणी हिट होतील याची खात्री केली आणि मग त्यांनी हा चित्रपट बनवला. त्यांनी ‘आशिकी’ सिनेमाच्या बाबतीतही असंच केलं. गाणी आधी हिट होतील याची खात्री करून त्यांनी महेश भट्ट यांना चित्रपट बनवायला सांगितलं,” असं दीपक तिजोरी म्हणाला.

हेही वाचा – घटस्फोटाच्या चर्चांदरम्यान ऐश्वर्या रायने हटवलं ‘बच्चन’ आडनाव? दुबईतील ‘तो’ व्हिडीओ व्हायरल

गाणी सुपरहिट ठरल्यावर बनवलेला चित्रपट

‘आशिकी’ची गाणी नदीम-श्रवण यांनी संगीतबद्ध केली होती. या चित्रपटातील सर्वच गाणी जी खूप हिट झाली होती. गाण्यांमुळे चित्रपटाला खूप जास्त लोकप्रियता मिळाली. दीपक म्हणाला की सर्व गाणी आवडल्यानंतर गुलशन कुमार यांनी महेश भट्ट यांना आता चित्रपट बनवण्यास सांगितलं होतं. “गाणी खूप सुंदर होती, ती गाणी लोकांना खूप आवडली होती, ही गाणी लोकांना आवडली, म्हणून त्यावर चित्रपट बनवण्यात आला होता. त्यांनी भट्ट साहेबांना बोलावून गाणी ऐकवली आणि त्यांना म्हणाले, ‘यावर चित्रपट बनवायचा का?’ आणि मग महेश भट्ट यांनी चित्रपट बनवला. यात इतर काही नवीन गाणी टाकण्यात आली होती,” असं दीपक तिजोरी म्हणाला.