“चंदेरीत पुन्हा ‘स्त्री’ची दहशत…”, ‘स्त्री २’ चित्रपटाच्या शूटिंगला सुरुवात, श्रद्धा कपूरने शेअर केला थरारक व्हिडीओ

हेही वाचा : “१२ वर्षांची मेहनत आणि जिद्द…” प्रसिद्ध मराठी अभिनेत्रीचे हिंदी मालिकेत पदार्पण, शेअर केली खास पोस्ट

श्रद्धा कपूर आणि राजकुमार रावने ‘स्त्री २’ चित्रपटातील एक थरारक व्हिडीओ शेअर केला आहे. या पोस्टवर “पुन्हा एकदा चंदेरी शहरात पसरली स्त्रीची दहशत, ऑगस्ट २०२४ मध्ये ती येणार…”असे कॅप्शन देण्यात आले आहे. तसेच ‘स्त्री २’ च्या शूटिंगला सुरुवात झाली असल्याचेही या पोस्टमध्ये नमूद करण्यात आले आहे. एका युजरने अभिनेत्रीने केलेल्या पोस्टवर, “एवढ्या सुंदर अभिनेत्रीला भूत का बनवले? ” असा प्रश्न कमेंटमध्ये विचारला आहे. तर इतर युजर्सनी श्रद्धाला चित्रपटासाठी शुभेच्छा दिल्या आहेत.

हेही वाचा : “२०१९ मध्ये ‘बाईपण भारी देवा’साठी निर्माता मिळत नव्हता”, केदार शिंदेंना आठवले जुने दिवस; म्हणाले, “तेव्हा डोळ्यात पाणी आलं…”

‘स्त्री २’ चित्रपटाचे दिग्दर्शन अमर कौशिक करणार आहेत. यामध्ये श्रद्धा कपूर, राजकुमार राव आणि अभिनेते पंकज त्रिपाठी मुख्य भूमिका साकारणार आहेत. राजकुमार आणि श्रद्धा यांनी शेअर केलेली ‘स्त्री २’ चित्रपटाची पहिली थरारक झलक पाहून प्रेक्षकांमध्ये उत्सुकता निर्माण झाली आहे.

हेही वाचा : ‘हर हर महादेव’चा जयघोष! अक्षय कुमारच्या बहुचर्चित ‘OMG 2’ चा दमदार टीझर प्रदर्शित

दरम्यान, २०१८ मध्ये प्रदर्शित झालेल्या ‘स्त्री’ चित्रपटाच्या पहिल्या भागात श्रद्धा कपूर, राजकुमार राव, अपारशक्ती खुराना, पंकज त्रिपाठी, क्रिती सेनॉन, विजय राझ, नोरा फतेही, अभिषेक बॅनर्जी अशी तगडी स्टारकास्ट होती. या चित्रपटाचे कथानक, त्यामधील गाणी प्रेक्षकांनी खूपच आवडली होती. तेव्हाच प्रेक्षकांनी ‘स्त्री २’ चित्रपटाची मागणी केली होती. अखेर हा बहुप्रतीक्षित चित्रपट पुढच्या वर्षी ऑगस्टमध्ये प्रेक्षकांच्या भेटीला येणार आहे.