“पुढच्या जन्मी हा नवरा नको”, गोविंदाबद्दल स्पष्टच बोलली बायको सुनीता; म्हणाली, “त्याच्या अफेअरच्या…”

“लोक तुमच्या पाठीमागे काय करतात हे तुम्हाला कधीच कळत नाही. पुरुषांवर कधीही विश्वास ठेवू नका. ते सारखे बदलत असतात. आमच्या लग्नाला ३७ वर्षे झाली आहेत. आधी तरी तो कुणाबरोबर गेला नाही, आताचं मी सांगू शकत नाही,” असं सुनीता हिंदी रशला दिलेल्या मुलाखतीत म्हणाली होती.

सुनीताने याच मुलाखतीत ती व गोविंदा वेगळे राहतात, असा खुलासा केला होता. “आमची दोन घरं आहेत. फ्लॅटमध्ये माझे मंदिर आणि माझी मुलं आहेत. आम्ही फ्लॅटमध्ये राहतो आणि त्याला लोकांना भेटण्यात उशीर होतो. त्याला बोलायला आवडतं, त्यामुळे तो १० लोकांना गोळा करून त्यांच्याशी गप्पा मारत बसतो. मी, माझा मुलगा आणि माझी मुलगी फ्लॅटमध्ये एकत्र राहतो, पण आम्ही फार कमी बोलतो कारण मला वाटतं की तुम्ही जास्त बोलून तुमची ऊर्जा वाया घालवता,” असं सुनीता म्हणाली होती.

पुढच्या जन्मात हा नवरा नको – सुनीता आहुजा

“मी त्याला सांगितलंय की मला पुढच्या जन्मात तो नवरा म्हणून नकोय. तो फिरायला जात नाही. मला पतीबरोबर बाहेर जाऊन रस्त्यावर पाणीपुरी खायची इच्छा आहे. पण त्याने कामात खूप वेळ घालवला. आम्ही दोघे एकत्र चित्रपट पाहायला बाहेर गेल्याचं मला आठवतच नाही,” अशी खंत सुनीताने व्यक्त केली होती.

गोविंदाच्या अफेअरबद्दल सुनीताचे वक्तव्य

“मी आमच्या लग्नात पूर्वी खूप सुरक्षित होते, आता नाही,” असं ती हसत म्हणाली होती. “आधी मला काहीच फरक पडत नव्हता. पण आता त्याचे वय ६० पेक्षा जास्त झाले आहे, त्यामुळे मला भीती वाटते. जेव्हा तो तरुण होता तेव्हा तो इतका काम करायचा की त्याच्याकडे अफेअर्ससाठी वेळ नव्हता पण आता मला भीती वाटतं की रिकामा वेळ आहे तर काही करायला नको,” असं सुनीता म्हणाली होती. घटस्फोटाची बातमी आल्यानंतर या मुलाखतीत सुनीताने तिच्या मनातील खदखद व्यक्त केल्याचं बोललं जात आहे.