‘रामायण’मधील हनुमानाच्या भूमिकेसाठी सनी देओलने आकारली मोठी रक्कम; ‘इतक्या’ कोटींचे घेतले मानधन

हेही वाचा- तब्बल २० वर्षांनी येणार ‘खाकी’चा सीक्वल; अमिताभ बच्चन व तुषार कपूरसह दुसऱ्या भागात कोण झळकणार? जाणून घ्या

‘रामायण’ चित्रपटात सनी देओलला ‘हनुमान’च्या भूमिकेसाठी कास्ट करण्यात आले आहे. मिळालेल्या माहितीनुसार- हनुमानाच्या भूमिकेसाठी सनीने ४५ कोटी इतकी रक्कम आकारल्याचे सांगण्यात येत आहे. काही दिवसांपूर्वी त्याने ‘रामायण’शी निगडित चित्रपटात काम करण्याची इच्छाही व्यक्त केली होती.

‘रामायण’ चित्रपटात रणबीर कपूर श्रीरामांची भूमिका साकारणार आहे; तर दाक्षिणात्य अभिनेत्री साई पल्लवी सीतेच्या भूमिकेत दिसणार आहे. यापूर्वी सीतेच्या भूमिकेसाठी आलिया भट्टच्या नावाची चर्चा सुरू होती; पण काही कारणास्तव तिने या चित्रपटातून काढता पाय घेतला आहे. ‘केजीएफ’फेम अभिनेता यश रावणाची भूमिका साकारणार असल्याचे सांगण्यात येत आहे. याबाबत अद्याप कोणतीही अधिकृत घोषणा करण्यात आलेली नाही. ‘रामायण’ चित्रपट २०२४ मध्ये प्रदर्शित होणार आहे.