‘गदर २’ हा चित्रपट यावर्षीच्या बहुप्रतीक्षित चित्रपटांपैकी एक आहे. २ दशकापूर्वीच्या सुपरहिट ‘गदर: एक प्रेम कथा’ या चित्रपटाचा हा सिक्वेल आहे. ‘गदर २’ मध्ये पुन्हा एकदा सनी देओल आणि अमीषा पटेलची जोडी प्रेक्षकांना मोठ्या पडद्यावर पाहायला मिळणार आहे. गेल्याच महिन्यात याचा टीझर प्रदर्शित झाला आहे आणि प्रेक्षकांचा याला अपेक्षेप्रमाणे प्रतिसाद मिळाला आहे.
चित्रपटाचा पहिला भाग भारत-पाकिस्तान फाळणीवर बेतलेला होता, तर याचा सीक्वल हा १९७१ च्या भारत-पाक युद्धावर बेतलेला असेल असं टीझरवरुन स्पष्ट झालं आहे. जेव्हा ‘गदर – एक प्रेम कथा’ प्रदर्शित होणार होता तेव्हा बॉलिवूडमधील बरेच लोक या चित्रपटाच्या विरोधात होते असं खुद्द सनी देओलने एका मुलाखतीदरम्यान स्पष्ट केलं होतं.
आणखी वाचा : जेव्हा पत्नीला न सांगता अजय देवगणने दिलेला किसिंग सीन; ‘ही’ होती काजोलची प्रतिक्रिया
मध्यंतरी सनी देओलने कपिल शर्माच्या कार्यक्रमात हजेरी लावली त्यावेळी त्याने पहिल्या भागावेळच्या आठवणींना उजाळा दिला. सनी देओल म्हणाला, “जेव्हा ‘गदर – एक प्रेम कथा’ प्रदर्शित झाला तेव्हा लोक त्यावर एवढं भरभरून प्रेम करतील असं आम्हाला अजिबात वाटलं नव्हतं. त्यावेळी चित्रपटसृष्टीतील बऱ्याच लोकांनी याकडे एक पंजाबी चित्रपट कानाडोळा केला, हिंदीत डब करायची मागणी केली. बऱ्याच चित्रपट वितरकांनी तो विकत घेण्यासही नकार दिला, पण लोकांना चित्रपट प्रचंड आवडला त्यांनी तो डोक्यावर घेतला आणि इतरांची तोंडं बंद केली. प्रेक्षकांच्या प्रतिसादामुळेच आज आम्ही याचा पुढील भाग सादर करू शकलो.”
पहिल्या भागाप्रमाणेच या ‘गदर २’साठी सुद्धा प्रेक्षक तितकेच उत्सुक आहेत. दोन्ही चित्रपटांचं दिग्दर्शन अनिल शर्मा यांनी केलं आहे. ‘गदर २’ ११ ऑगस्ट या दिवशी चित्रपटगृहात प्रदर्शित होणार आहे. २२ वर्षांपूर्वी रचलेल्या इतिहासाची पुनरावृत्ती होणार की नाही ते येणारा काळच ठरवेल.
चित्रपटाचा पहिला भाग भारत-पाकिस्तान फाळणीवर बेतलेला होता, तर याचा सीक्वल हा १९७१ च्या भारत-पाक युद्धावर बेतलेला असेल असं टीझरवरुन स्पष्ट झालं आहे. जेव्हा ‘गदर – एक प्रेम कथा’ प्रदर्शित होणार होता तेव्हा बॉलिवूडमधील बरेच लोक या चित्रपटाच्या विरोधात होते असं खुद्द सनी देओलने एका मुलाखतीदरम्यान स्पष्ट केलं होतं.
आणखी वाचा : जेव्हा पत्नीला न सांगता अजय देवगणने दिलेला किसिंग सीन; ‘ही’ होती काजोलची प्रतिक्रिया
मध्यंतरी सनी देओलने कपिल शर्माच्या कार्यक्रमात हजेरी लावली त्यावेळी त्याने पहिल्या भागावेळच्या आठवणींना उजाळा दिला. सनी देओल म्हणाला, “जेव्हा ‘गदर – एक प्रेम कथा’ प्रदर्शित झाला तेव्हा लोक त्यावर एवढं भरभरून प्रेम करतील असं आम्हाला अजिबात वाटलं नव्हतं. त्यावेळी चित्रपटसृष्टीतील बऱ्याच लोकांनी याकडे एक पंजाबी चित्रपट कानाडोळा केला, हिंदीत डब करायची मागणी केली. बऱ्याच चित्रपट वितरकांनी तो विकत घेण्यासही नकार दिला, पण लोकांना चित्रपट प्रचंड आवडला त्यांनी तो डोक्यावर घेतला आणि इतरांची तोंडं बंद केली. प्रेक्षकांच्या प्रतिसादामुळेच आज आम्ही याचा पुढील भाग सादर करू शकलो.”
पहिल्या भागाप्रमाणेच या ‘गदर २’साठी सुद्धा प्रेक्षक तितकेच उत्सुक आहेत. दोन्ही चित्रपटांचं दिग्दर्शन अनिल शर्मा यांनी केलं आहे. ‘गदर २’ ११ ऑगस्ट या दिवशी चित्रपटगृहात प्रदर्शित होणार आहे. २२ वर्षांपूर्वी रचलेल्या इतिहासाची पुनरावृत्ती होणार की नाही ते येणारा काळच ठरवेल.
