अभिनेता सनी देओल सध्या त्याच्या आगामी ‘गदर २’ चित्रपटामुळे चांगलाच चर्चेत आहे. गेल्या अनेक दिवसांपासून गदर चित्रपटाचे आणि सनी देओलचे चाहते ट्रेलरची आतुरतेने वाट पाहत होते. अखेर प्रेक्षकांची प्रतीक्षा आता संपली असून नुकताच ‘गदर २’चा दमदार ट्रेलर प्रदर्शित करण्यात आला आहे. दोन दशकांपूर्वी सुपरहिट ठरलेल्या ‘गदर: एक प्रेम कथा’चा सीक्वेल ‘गदर २’ चित्रपट येत्या ११ ऑगस्टला प्रेक्षकांच्या भेटीला येणार आहे.

या बातमीसह सर्व प्रीमियम कंटेंट वाचण्यासाठी साइन-इन करा
Skip
या बातमीसह सर्व प्रीमियम कंटेंट वाचण्यासाठी साइन-इन करा

हेही वाचा : “मित्रांनी हजारो रुपये बुडवले”, विजू मानेंच्या वाढदिवसानिमित्त कुशल बद्रिकेने शेअर केली खास पोस्ट; म्हणाला, “रम्मीच्या डावात…”

आणखी वाचा

‘गदर २’च्या ट्रेलरमध्ये सनी देओल पुन्हा एकदा पाकिस्तानला जाणार आहे. पण, यावेळी तो सकिनासाठी जाणार नसून त्याच्या मुलाला वाचवण्यासाठी तो बॉर्डर क्रॉस करून थेट पाकिस्तान गाठणार आहे. ३ मिनिटांच्या‘गदर २’च्या ट्रेलरमध्ये प्रेक्षकांना काही नवे कलाकार पाहायला मिळतील.

हेही वाचा : “तब तक के लिये.. अलविदा”; ‘सहकुटुंब सहपरिवार’ मालिकेतील अभिनेत्रीच्या पोस्टने वेधले लक्ष; म्हणाली…

‘गदर २’ चे कथानक १९७१ मधील दाखवण्यात आले आहे. ट्रेलरमधील सनी देओलची जबरदस्त ॲक्शन आणि संवाद लक्ष वेधून घेतात. एका सीनमध्ये तारा सिंग “आज पाकिस्तानच्या जनतेला तुम्ही पुन्हा विचारले त्यांना कुठे जायचे आहे… तर अर्ध्याहून जास्त पाकिस्तान खाली होईल आणि तुमच्यापुढे भीक मागायची वेळ येईल” असे एका पाकिस्तानी पोलीस अधिकाऱ्याला उद्देशून बोलताना दिसतो. आता पुन्हा पाकिस्तानला गेलेला तारा सिंग आपल्या मुलाला कसे वाचवणार? तो सकिनाला दिलेले वचन पूर्ण करणार का? ट्रेलर पाहिल्यावर असे अनेक प्रश्न प्रेक्षकांच्या मनात चित्रपटाबद्दल उत्सुकता निर्माण करतात.

हेही वाचा : नम्रता संभेरावसाठी ‘या’ अभिनेत्रीने बनवला खास चहा; पाहा व्हिडीओ

दरम्यान, ‘गदर २’ मध्ये सनी देओल, अमीषा पटेल, उत्कर्ष शर्मा, सिम्रत कौर, लव्ह सिन्हा, गौरव चोप्रा, मिर सरवार हे कलाकार महत्त्वाच्या भूमिकेत दिसतील. रोहित चौधरी आणि मनीष वाधवा यांनी ‘गदर २’ मध्ये खलनायकाची भूमिका साकारली आहे. दोन्ही चित्रपटांचे दिग्दर्शन अनिल शर्मा यांनी केले आहे.