Sushant Singh Rajput Birthday: हरहुन्नरी दिवंगत अभिनेता सुशांत सिंह राजपूतचा आज जन्मदिवस आहे. त्यामुळे सध्या त्याचे चाहते आणि इतर कलाकार मंडळी सोशल मीडियाद्वारे त्याच्या आठवणी शेअर करत जन्मदिवसाच्या शुभेच्छा देत आहेत. सुशांतची बहीण श्वेता सिंह किर्तीने अभिनेत्याचा एक व्हिडीओ शेअर करत त्याला खास अंदाजात शुभेच्छा दिल्या आहेत.
सुशांतची बहीण श्वेता ही सोशल मीडियावर खूप सक्रिय असते. नेहमी सुशांतच्या आठवणी शेअर करत असते. काही दिवसांपूर्वी तिने सुशांतची पूर्वाश्रमीची गर्लफ्रेंड अंकिता लोखंडेच्या समर्थनार्थ पोस्ट शेअर केली होती. त्यानंतर आज तिने भावाच्या जन्मदिवसानिमित्ताने खास पोस्ट शेअर केली आहे.
हेही वाचा – Bigg Boss 17: ‘बिग बॉस १७’मधून बाहेर झाली आयशा खान, जाता-जाता मुनव्वर फारुकीला म्हणाली…
श्वेताचे सुशांतचा एक व्हिडीओ शेअर करत लिहिलं आहे, “माझ्या सोन्यासारख्या भावाला जन्मदिवसाच्या खूप खूप शुभेच्छा. मी तुझ्यावर अमर्यादित प्रेम करते. मला आशा आहे की, तू लाखो लोकांच्या हृदयात आहेस आणि तू त्यांना काहीतरी करण्यासाठी आणि चांगले बनण्यासाठी प्रेरित करत आहेस. तुझा वारसा पुढे चालत राहिलं. जन्मदिवसाच्या खूप खूप शुभेच्छा स्टार. तू नेहमी चमकत राहा आणि आम्हाला मार्ग दाखव.”
श्वेता सिंह किर्तीच्या या पोस्टवर सुशांतच्या चाहत्यांनी तसेच काही कलाकारांनी प्रतिक्रिया दिल्या आहेत. सर्वजण सुशांतला जन्मदिवसाच्या शुभेच्छा देत आहेत.
दरम्यान, २१ जानेवारी १९८६ रोजी सुशांतचा बिहारमध्ये जन्म झाला होता. त्याने अभिनय क्षेत्रातील सुरुवात ‘किस देश में है मेरा दिल’ या मालिकेपासून केली होती. पण तो ‘पवित्र रिश्ता’ या मालिकेमुळे लोकप्रिय झाला. त्यानंतर सुशांतने बॉलीवूडमध्ये पदार्पण केलं. मग त्याने अनेक हिट चित्रपट बॉलीवूडला दिले. पण १४ जून २०२०मध्ये मुंबईतील राहत्या घरी त्याने गळफास लावून आत्महत्या केली. आज सुशांत आपल्या नसला तरी त्याच्या आठवणी कायम स्मरणात राहतील.
