सध्या बॉलिवूडमध्ये अनेक मोठ्या चित्रपटांच्या चर्चा आहेत. एकीकडे अनेक चित्रपटांची चित्रीकरणं सुरू आहेत, तर दुसरीकडे अनेक चित्रपट प्रदर्शनासाठी सज्ज आहेत. आता या सगळ्यामध्ये जान्हवी कपूरचा 'मिली' चित्रपट जबरदस्त चर्चेत आला आहे. या चित्रपटाचा उत्कंठावर्धक टीझर आज प्रदर्शित झाला आहे. हा टीझर पाहून तिचे चाहते या चित्रपटासाठी फार उत्सुक झालेले दिसत आहेत. आणखी वाचा : ‘ढोंगी’ म्हणत नेटकऱ्यांनी घेतली अक्षय कुमारची शाळा, व्हायरल व्हिडीओमुळे करावा लागतोय ट्रोलिंगचा सामना सत्य घटनेवर आधारित जान्हवी कपूरच्या 'मिली' चित्रपटाचा टीझर ४८ सेकंदांचा आहे. या चित्रपटात जान्हवी 'मिली नौटियाल' या नर्सिंग ग्रॅज्युएटची भूमिका साकारत आहे. या टीझरमध्ये जान्हवी एका फ्रीजिंग रूममध्ये अडकलेली दिसत आहे. ती या खोलीतून बाहेर पडण्याचा ती अतोनात प्रयत्न करत आहे पण तिला ते सहज शक्य होत नाहीये. जीवघेण्या थंडीपासून वाचण्यासाठी ती स्वत:भोवती प्लॅस्टिक आणि टेप गुंडाळत आहे. तसेच खोलीतील तापमान वाढवण्यासाठी ती विविध गोष्टी आजमावून बघतेय. तसेच ती दरवाजा तोडण्याचाही प्रयत्न करताना दिसत आहे. या चित्रपटाची निर्मिती बोनी कपूर यांनी केलेली आहे. या चित्रपटाच्या माध्यमातून जान्हवी पहिल्यांदाच तिच्या वडिलांची निर्मिती असलेल्या चित्रपटात काम करणार आहे. या चित्रपटाचं दिग्दर्शन मथुकुट्टी झेवियर यांनी केले असून या चितरपटाचे संगीत ए. आर. रहमान यांचे आहे. पुढील महिन्यात 4 नोव्हेंबर रोजी हा चित्रपट प्रेक्षकांच्या भेटीला येईल.
