‘अ‍ॅनिमल’मधील ती अवाढव्य गन कम्प्युटरवर बनवलेली नाही; ५०० कीलोचं ‘वॉर मशीन’ बनवायला लागले इतके महीने

गेले बरेच दिवस रणबीरचे चाहते आणि चित्रपटप्रेमी या चित्रपटाची आतुरतेने वाट बघत आहेत. ॲडव्हान्स बुकिंगमध्ये या चित्रपटाची दोन लाखांहून अधिक तिकिटे विकली गेली असून प्रदर्शनाआधीच या चित्रपटाने ७ कोटींची कमाई केल्याचे समोर आले आहे. ट्रेलरवरूनच चित्रपटात भरपुर रक्तपात, हिंसा आणि खिळवून ठेवणारे अॅक्शन सीन्स असणार हे स्पष्ट झालं. या ट्रेलरमधील एका सीनमध्ये रणबीर कपूर एक भली मोठी गन चालवताना दिसला आहे. ती गन सीजीआय किंवा व्हीएफएक्सच्या माध्यमातून बनवली असल्याची चर्चा सोशल मीडियावर होत होती. परंतु ती गन खरी बनवण्यात आली असल्याचा खुलासा नुकताच या चित्रपटाचे प्रोडक्शन डिजायनर यांनी केला आहे.

आणखी वाचा

‘सॅटकॉम’साठी स्पेक्ट्रम वाटपाच्या सरकारच्या भूमिकेने अंबानींविरोधात मस्क यांना झुकते माप

१७ ऑक्टोबर पंचांग: धनसंपत्ती की प्रचंड यश, गुरुवारी…

Ratan Tata : “मग कुत्रे कुठे जातील?”, बॉम्बे हाऊसच्या नुतनीकरणावेळी रतन टाटांना चिंता; एन. चंद्रशेखर यांनी शेअर केली जिव्हाळ्याची आठवण!

Ratan Tata Death: “घड्याळाची टिकटीक थांबली…” हर्ष गोयंका यांची मन हेलावणारी पोस्ट; पिचाई म्हणाले, ‘भारताला…’

विश्लेषण: मध्य रेल्वे लोकलच्या नव्या वेळापत्रकाबाबत प्रवासी वर्ग नाराज का?

Bopdev Ghat Gangrape: हेच ते नराधम! बोपदेव घाटात सामूहिक बलात्कार करणाऱ्या आरोपींचं स्केच, सीसीटीव्ही व्हिडीओ आला समोर

‘इमर्जन्सी’ चित्रपटातील दृश्यांना कात्री लावण्यास सहनिर्माती कंगना राणावत तयार, सेन्सॉर मंडळाची उच्च न्यायालयात माहिती

Bengaluru Women Murder: बंगळुरूतील ‘फ्रिज’ हत्याकांड प्रकरणात नवा ट्विस्ट; पीडितेच्या पतीनं प्रियकर अश्रफवर व्यक्त केला संशय

आणखी वाचा : “मी रणबीरच्या पाया पडून…” ‘अ‍ॅनिमल’चे दिग्दर्शक संदीप रेड्डी वांगा यांनी केले अभिनेत्याच्या कामाचे कौतुक

नुकतंच चेन्नईमधील पत्रकार परिषदेत ‘अ‍ॅनिमल’च्या संपूर्ण टीमने हजेरी लावली व मीडियाच्या प्रश्नांना उत्तारं दिली. त्यावेळी चित्रपटाचे प्रोडक्शन डिजायनर सुरेश सेलवाराजन यांनी या गोष्टीचा खुलासा केला. ५०० कीलोची पूर्णपणे स्टीलची ही अवाढव्य गन बनवण्यासाठी त्यांना ४ महिन्यांचा कालावधी लागल्याचं त्यांनी स्पष्ट केलं. चित्रपटाच्या मध्यांतरादरम्यान या वॉर मशीनचा सीन प्रेक्षकांना पाहायला मिळणार आहे. तब्बल १८ मिनिटांचा हा सिक्वेन्स असणार आहे. याबद्दल सुरेश म्हणाले, “भारतीय चित्रपटात अशी गोष्ट घडताना मी प्रथम पाहतो आहे, याचे सर्व श्रेय संदीपचे आहे.”

तिथे उपस्थित असलेल्या रणबीर कपूरनेही यावर टिप्पणी केली. रणबीर म्हणाला, “जेव्हा सुरेश अण्णा यांनी हे वॉर मशीन जेव्हा आम्हाला दाखवलं तेव्हा मी ते पाहून हबकलोच होतो. त्यांनी फार मेहनत घेऊन ही गन बनवली. संदीप आणि सुरेश अण्णा यांचीच ही कल्पना होती. आम्ही चित्रपटात खऱ्या खुऱ्या बंदुका चालवलेल्या नाहीत. एवढी मोठी मशीन गन चालवताना आपल्या शरीरावर, कानावर कसे परिणाम होतील याचा विचारही करवत नाही. या सगळ्याचा विचार करून मला अभिनय करायचा होता, कारण गोळ्या खऱ्या नव्हत्याच, मला वाटतं हीच खरी जादू आहे सिनेमाची.”

‘अ‍ॅनिमल’ची सध्या जोरदार चर्चा आहे. ॲडव्हान्स बुकिंगमध्ये बॉक्स ऑफिसवर या चित्रपटाने जबरदस्त तिकीटविक्री केली आहे. चित्रपटप्रेमी व रणबीरचे चाहते या चित्रपटाची आतुरतेने वाट बघत आहेत. या चित्रपटात रणबीरसह अनिल कपूर, बॉबी देओल व रश्मिका मंदाना यांच्या प्रमुख भूमिका आहेत. १ डिसेंबरला विकी कौशलच्या ‘सॅम बहादुर’सह ‘अ‍ॅनिमल’ प्रदर्शित होणार आहे त्यामुळे बॉक्स ऑफिसवर जबरदस्त टक्कर पाहायला मिळणार आहे.