The Kerala Story Box Office Collection day 4: ‘द केरला स्टोरी’ संदर्भात वाद सुरूच आहे, पण तरीही चित्रपट चांगली कमाई करताना दिसत आहे. वीकेंडला चांगला गल्ला जमवणाऱ्या चित्रपटाने सोमवारीही प्रेक्षकांना थिएटर्समध्ये खेचून आणलं. चार दिवसांतच चित्रपट ५० कोटींच्या जवळ पोहोचला आहे. चित्रपटाच्या चौथ्या दिवसाच्या कमाईचे आकडे समोर आले आहेत.
‘द केरला स्टोरी’च्या क्रू मेंबरला धमकी, दिग्दर्शकाची मुंबई पोलिसांत धाव
‘द केरला स्टोरी’ चित्रपटाने पहिल्या दिवशी ८.३ कोटी आणि दुसऱ्या दिवशी जवळपास १२ कोटी रुपये कमावले होते. तिसऱ्या दिवशी चित्रपटाने सुमारे १६.५० कोटींची कमाई केली होती. त्यानंतर आता चौथ्या दिवसांच्या आकडेवारीनुसार चित्रपटाने १०.५० कोटी रुपये कमावले आहेत. रविवारपेक्षा कमाईत घट झाली असली तरी सोमवार पाहता आकडे चांगले आहेत. अशा रितीने चार दिवसांत चित्रपटाने ४५.७५ कोटी रुपयांचा गल्ला जमवला आहे.
दरम्यान, ‘द केरला स्टोरी’ आज ९ मे रोजी ५० कोटी रुपयांचा टप्पा गाठेल. एकीकडे चित्रपट बॉक्स ऑफिसवर चांगली कामगिरी करत आहे, दुसरीकडे यावरून वादही सुरू आहे. तमिळनाडूनंतर पश्चिम बंगालमध्येही चित्रपटाच्या प्रदर्शनावर बंदी घालण्यात आली आहे. सोमवारी मुख्यमंत्री ममता बॅनर्जी यांनीन चित्रपट स्क्रीनवरून हटवण्याचे आदेश दिले.