‘द केरला स्टोरी’ फेम अदा शर्मा आहे ‘या’ मराठी पदार्थाच्या प्रेमात, खुलासा करत म्हणाली…

अदा शर्माला उत्तम मराठी बोलता येतं. तिने तिच्या इन्स्टाग्राम अकाउंटवर मराठी कविता म्हणतानाचे काही व्हिडीओही शेअर केले होते. तिचे हे व्हिडीओ नेटकऱ्यांना चांगलेच आवडले. याचबरोबर तिचे अनेक मराठी मित्र मैत्रिणीही आहेत. तिला मराठी पद्धतीचं जेवणही आवडतं. त्यापैकी एक मराठमोळा पदार्थ तिला विशेष आवडतो. तो पदार्थ कोणता याचा खुलासा तिने आता केला आहे.

आणखी वाचा : “महाराष्ट्रात जन्मलात, वाढलात तर मराठी…,” ‘द केरला स्टोरी’फेम अदा शर्माचं भाषेबद्दलचं वक्तव्य चर्चेत

अदा शर्माने नुकतीच ‘लोकमत’ला एक मुलाखत दिली. यावेळी तिने मराठी संस्कृतीबद्दल, भाषेबद्दल, तिच्या आवडीनिवडीबद्दल भरभरून गप्पा मारल्या. यावेळी तिला तिचा आवडता मराठी पदार्थ कोणता असं विचारण्यात आलं. या प्रश्नाचं तिने जे उत्तर दिलं त्याने सर्वांचंच लक्ष वेधलं आहे. अदा म्हणाली, “मला वरण खूप आवडतं. पण ते तिखट नाही, थोडं कमी तिखट वरण मला खरंच खूप आवडतं.”

हेही वाचा : शिक्षण अर्धवट सोडून अभिनय क्षेत्रात आलेली ‘द केरला स्टोरी’ फेम अदा शर्मा आहे कोट्यवधींची मालकीण, जाणून घ्या तिची संपत्ती

दरम्यान, अदा शर्माची प्रमुख भूमिका असलेल्या ‘द केरला स्टोरी’ चित्रपटाने कमाईचा २०० कोटींचा आकडा पार केला. या चित्रपटाला तुफान प्रतिसाद दिल्याबद्दल अदाने आनंद व्यक्त करीत एका पोस्टच्या माध्यमातून प्रेक्षकांचे आभार मानले होते.