सलमान खानचा ‘टायगर ३’ न पाहण्याची चार कारणं कोणती? जाणून घ्या

नुकतंच ‘टायगर ३’ने एक नवा रेकॉर्ड रचल्याचं स्पष्ट झालं आहे. हिंदी चित्रपटाच्या इतिहासात ‘टायगर ३’ हा दिवाळीच्या दिवशी सर्वाधिक कमाई करणारा चित्रपट ठरला आहे. या चित्रपटाने जगभरात तब्बल ९४ कोटींची कमाई केली आहे. यापैकी भारतातील एकूण कमाई ही ५२.५० कोटी असून बाहेरील देशांमध्ये या चित्रपटाने दिवाळीच्या पहिल्याच दिवशी तब्बल ४१.५० कोटींची कमाई केली आहे. बॉक्स ऑफिसवर एवढी कमाई करत असूनसुद्धा या चित्रपटावर बरीच टीका होताना दिसत आहे. प्रेक्षकांच्या मिश्र प्रतिक्रिया आपल्याला पाहायला मिळत आहेत.

आणखी वाचा

वडिलांचा विरोध पत्करत केले प्रसिद्ध अभिनेत्याशी लग्न; खुलासा करत पत्नी म्हणाली, “मला असुरक्षित…”

“संजय उगाच च…”, परेश रावल यांची मोजक्या शब्दांची…

“मी आराध्याचा पिता…”, लेकीविषयी बोलताना अभिषेक बच्चन म्हणाला, “त्या भावना समजू…”

ऋषी कपूर यांच्या ‘या’ होत्या अखेरच्या दोन इच्छा, लेक रिद्धिमा कपूर-साहनीने केला खुलासा; म्हणाली…

‘भागम भाग’ सिनेमाचा सिक्वेल येणार, कोण साकारणार मुख्य भूमिका? जाणून घ्या…

‘क्रिश ४’ चित्रपटाबद्दल धक्कादायक माहिती आली समोर, दिग्दर्शक राकेश रोशन यांनी केला खुलासा; म्हणाले, “यापुढे मी…”

‘या’ कारणामुळे शाहरुख खान सोडणार होता बॉलीवूड; दिल्लीला जाण्याची तयारी करत पकडलं होतं विमान, पण…

करिअरच्या शिखरावर असताना डॉ. श्रीराम नेनेंशी लग्न करण्याचा निर्णय का घेतला? माधुरी दीक्षित म्हणाली…

सलमान खानचा चित्रपट म्हंटलं की त्यात मनोरंजन हे भरभरून असतंच आणि त्याबाबतीत कुठेही कमतरता नाहीये, पण चित्रपटातील काही गोष्ट प्रेक्षकांना प्रचंड खटकल्या आहेत ज्यामुळे चित्रपटावर नकारात्मक परिणाम होताना दिसत आहे. या ४ गोष्टींमुळे ‘टायगर ३’ अजिबात पाहू नये असं बऱ्याच लोकांचं म्हणणं आहे. त्या ४ गोष्टी कोणत्या आहेत याबद्दलच आपण जाणून घेणार आहोत.

१. कमकुवत पटकथा आणि लिखाण :
सलमान खानच्या स्टारडमवर पैसा कमावण्याच्या नादात ‘टायगर ३’च्या निर्मात्यांनी पटकथा व लिखाणावर अजिबात मेहनत घेतली नसल्याची तक्रार प्रेक्षकांनी केली आहे. आदित्य चोप्रा आणि श्रीधर माधवन यांनी लिहिलेली कथा ही फार विस्कळीत आणि कमकुवत असल्याचं प्रेक्षकांनी म्हंटलं आहे.

२. सलमानच्या धासु डायलॉग्सचा अभाव :
‘वॉन्टेड’पासून ‘किक’, ‘दबंग’पर्यंत सलमान खानचे चित्रपट म्हंटलं की त्यात टाळ्या शिट्टी मिळवणारे डायलॉग असणार हे ठरलेलंच असतं. ‘टायगर ३’मध्ये ही गोष्ट कटाक्षाने टाळल्याने प्रेक्षकांचा हिरमोड झाला असल्याचं सांगितलं जात आहे. “जब तक टाइगर मरा नहीं, तब तक टाइगर हारा नहीं” हा एक दमदार डायलॉग सोडला तर प्रेक्षकांच्या लक्षात राहील असा एकही डायलॉग चित्रपटात नसल्याने प्रेक्षक निराश झाले असल्याचं समोर आलं आहे.

३. पाकिस्तानचे गुणगान :
चित्रपटात पाकिस्तानचे गोडवे गायले असल्याने बऱ्याच लोकांना ते खटकलं असल्याचं त्यांनी सोशल मीडियावर नमूद केलं आहे. चित्रपटात टायगर हा रॉचा एजेंट आयएसआयच्या सोबतीने पाकिस्तानच्या लोकशाहीचा आणि त्यांच्या पंतप्रधानांचा बचाव करताना दाखवलं आहे, इतकंच नव्हे तर पाकिस्तान हा शांतीप्रिय देश असल्याचंही या चित्रपटातून दाखवण्यात आलं आहे. यामुळे बरेच प्रेक्षक नाराज झाले असून कमर्शियल चित्रपटात अशा प्रकारचं राजकीय भाष्य त्यांच्या पसंतीस न उतरल्याने त्यांनी यावर टीका केली आहे.

४. सर्वात कमकुवत खलनायक :
‘पठाण’च्या बाबतीत जॉन अब्राहमसारख्या दमदार खलनायकाने चित्रपटाला उचलून धरलं होतं आणि त्यामुळेच कदाचित शाहरुखचा अभिनय अधिक उठून दिसला. ‘टायगर ३’मध्ये केवळ सगळं लक्ष सलमानवरच असल्याने इम्रान हाशमीच्या पात्राकडे कानाडोळा झाल्याचं प्रेक्षकांचं म्हणणं आहे. इम्रान हा अत्यंत ताकदीचा नट आहे आणि त्यामानाने एक खलनायक म्हणून सलमानसमोर त्याला उभं करण्यात लेखक आणि दिग्दर्शक कमी पडले असल्याचं कित्येकांनी स्पष्ट केलं आहे.

आणखी वाचा : दिवाळीच्या दिवशी ‘टायगर ३’ने रचला इतिहास; ‘इतके’ कोटी कमवत सलमान खानचं बॉक्स ऑफिसवर दमदार कमबॅक

‘टायगर ३’मध्ये सलमानसह कतरिना कैफ, इम्रान हाशमी यांच्या प्रमुख भूमिका आहेत, तसेच चित्रपटातील शाहरुखच्या कॅमिओचीही जबरदस्त चर्चा आहे. हा चित्रपट हिंदी, तमिळ आणि तेलुगू या तीनही भाषांमध्ये प्रदर्शित करण्यात आला आहे.