फक्त पाच चित्रपट करणाऱ्या अभिनेत्रीने शाहरुख खानसह दिग्गजांना टाकलं मागे, ‘या’ बाबतीत पटकावला पहिला क्रमांक

IMDb चाहत्यांच्या आवडीनुसार नियमितपणे सर्वात लोकप्रिय अभिनेते आणि प्रसिद्ध सेलिब्रिटींची यादी प्रसिद्ध करते. एका ठराविक कालावधीत इंटरनेटवर कोणते सेलिब्रिटी सर्वात जास्त चर्चेत होते, यावरून ही यादी ठरते. या आठवड्यातील यादी पाहता पहिल्या क्रमांकावर तृप्ती डिमरी आहे. तिने आपल्या करिअरमध्ये आतापर्यंत फक्त पाच चित्रपट केले आहेत आणि सध्या लोकप्रियतेच्या बाबतीत तिने अनेक मोठ्या स्टार्सला मागे टाकलं आहे.

‘अ‍ॅनिमल’ चित्रपटासाठी तृप्ती डिमरीने घेतलं फक्त ‘इतकं’ मानधन

मंगळवारी (१२ डिसेंबर रोजी) IMDb ने या आठवड्यात भारतातील सर्वात लोकप्रिय सेलिब्रिटींची यादी शेअर केली. ‘अॅनिमल’मध्ये झळकलेली तृप्ती डिमरी या यादीत पहिल्या क्रमांकावर आहे. ‘अॅनिमल’पूर्वी केवळ चार चित्रपटांमध्ये काम केलेल्या या अभिनेत्रीने गेल्या आठवड्यात पहिल्या क्रमांकावर असलेल्या शाहरुख खानची जागा घेतली आहे. आश्चर्याची बाब म्हणजे ‘अॅनिमल’ चित्रपटातील मुख्य अभिनेता रणबीर कपूर, दिग्दर्शक संदीप रेड्डी वांगा यांची नावं या यादीत तृप्ती डिमरीच्या नावाच्या खाली आहेत. केवळ २० मिनिटांच्या कॅमिओसाठी चित्रपटात दिसलेल्या तृप्तीने चित्रपटाची मुख्य अभिनेत्री रश्मिका मंदानालाही मागे टाकलं आहे.

माधुरी दीक्षितचे पती डॉ. श्रीराम नेने यांचं मराठी ऐकलंत का? म्हणाले, “माझं मराठी…”

‘अॅनिमल’ चित्रपटातील कलाकार आणि शाहरुख खानव्यतिरिक्त तृप्तीने या यादीत अनेकांना मागे टाकलं आहे. इतर नावांमध्ये दीपिका पदुकोण, विकी कौशल, प्रभास, सुहाना खान आणि खुशी कपूर, दिग्दर्शक झोया अख्तर आणि राजकुमार हिरानी, केजीएफ स्टार यश आणि तापसी पन्नू यांचा समावेश आहे. या महिन्यातील सर्वात मोठे रिलीज झालेले किंवा होणारे चित्रपट ‘अ‍ॅनिमल’ व्यतिरिक्त ‘द आर्चीज’, ‘सॅम बहादूर’, ‘डंकी’ आणि ‘सालार’ आहेत.