‘हे’ दोन बॉलीवूड सुपरस्टार आहेत डेटिंग अ‍ॅपवर, उर्वशी रौतेलाचा मोठा दावा, एक लोकप्रिय अभिनेत्रीसह आहे नात्यात

उर्वशी रौतेलाने एका मुलाखतीत सांगितले की, ती स्वतः एक डेटिंग अ‍ॅप वापरत आहे आणि तिने याच अ‍ॅपवर हृतिक रोशन आणि आदित्य रॉय कपूर यांचे प्रोफाईल्स पाहिले आहेत. काही दिवसांपूर्वी हृतिक आणि आदित्य हे डेटिंग अ‍ॅपचा वापर करत असल्याच्या बातम्या येत होत्या, मात्र फॅन्सना त्यांच्या आवडत्या अभिनेत्यांचे प्रोफाइल दिसले नव्हते. कारण हे सेलिब्रिटी एका खास आणि वेगळ्या अॅपचा वापर करतात.

हेही वाचा…मॅनेजर उद्धट वागल्याने मुख्य अभिनेत्याला चित्रपटातून काढलं, विवेक अग्निहोत्रींचा खुलासा; म्हणाले, “स्टार किडच्या…”

उर्वशी काय म्हणाली?

उर्वशीने ‘हॉटरफ्लाय’शी बोलताना सांगितले की, “मी एक डेटिंग अ‍ॅप वापरत आहे आणि तिथे मी हृतिक रोशन आणि आदित्य रॉय कपूर यांचे प्रोफाइल पाहिले.” या डेटिंग अ‍ॅपवर अनेक सेलिब्रिटीज असल्याचं उर्वशीने सांगितले. ती हे अ‍ॅप केवळ नवे मित्र बनवण्यासाठी वापरते, असंही तिने स्पष्ट केलं.

हेही वाचा……आणि गोविंदाने ‘ते’ गाणं १५ मिनिटांत शूट करून दाखवलं, आयफेल टॉवर समोर परवानगी नसतानाही केलं चित्रीकरण

उर्वशीने हृतिकला राईट स्वाईप केलं का?

उर्वशीला डेटिंगअ‍ॅपवर हृतिक आणि आदित्य दिसले तेव्हा तिने त्यांना राईट स्वाईप केलं का, असा प्रश्न विचारला असता उर्वशीने उत्तर दिलं, “मी या अ‍ॅपवर कोणत्याही सेलिब्रिटीजना राईट स्वाईप केलेलं नाही, माझ्याकडे त्यांचे मोबाइल नंबर आहेत, त्यामुळे मला त्यांना कोणत्याही वेळी संपर्क साधता येतो.”

उर्वशीने सेलिब्रिटीज डेटिंग अ‍ॅपवर आहे, हा दावा करण्याआधी बऱ्याच सेलिब्रिटीजचे डेटिंग अ‍ॅपवरील प्रोफाइलचे स्क्रीन शॉट व्हायरल झाले होते.