अभिनेत्री कतरीना कैफ आणि अभिनेता विकी कौशल हे बॉलीवूडमधील लोकप्रिय जोडपं आहे. २०२१ मध्ये त्यांनी लग्नगाठ बांधली. तर आता लग्नानंतर पहिल्यांदाच विकी कौशल्य सगळ्यांसमोर बेबी प्लॅनिंगबद्दल भाष्य केलं आहे.
विकी कौशल लवकरच ‘द ग्रेट इंडियन फॅमिली’ या चित्रपटातून प्रेक्षकांच्या भेटीला येणार आहे. सध्या तो या चित्रपटाचं जोरदार प्रमोशन करताना दिसत आहे. याचबरोबर या चित्रपटाच्या प्रमोशनच्या निमित्ताने तो अनेक कार्यक्रमांना हजेरी लावत आहे. दरम्यान अशाच एका कार्यक्रमामध्ये त्याने बेबी प्लॅनिंग आणि घरच्यांचं याबद्दल असलेलं मत सांगितलं.
एका कार्यक्रमात त्याला “लग्नानंतर घरचे तुमच्यावर बाळासाठी दबाव टाकत आहेत का?” असा प्रश्न विचारण्यात आला. त्यावर उत्तर देत तो म्हणाला, “नाही. आमच्या घरचे आमच्यावर बाळासाठी कोणताही दबाव टाकत नाहीत. आमच्या दोघांचंही कुटुंब खूप छान आहे. मुख्य म्हणजे आमच्या कुटुंबातील वडीलधारी मंडळी कुल आहेत. मी माझ्या आई-वडिलांपासून कधीच कोणती गोष्ट लपत नाही. माझ्या आणि कतरिनाच्या नात्याबद्दलही मी माझ्या आई-वडिलांना सगळ्यात आधी सांगितलं होतं. त्यामुळे असं एकदाही घडलं नाही की एखादी पोस्ट व्हायरल झाली आणि त्यानंतर मी आई-वडिलांना त्याबद्दल माहिती दिली. त्यांना माझ्याबद्दल सगळं आधीच माहीत असतं.”
हेही वाचा : …म्हणून विकी-कतरिनाने लग्नसोहळ्यात मोजक्याच बॉलिवूड स्टार्सना केलं होतं निमंत्रित
तर आता विकीचं हे बोलणं खूप चर्चेत आलं आहे. याचबरोबर सोशल मीडियावर कमेंट करत त्याचे चाहदे आणि नेटकरी विविध प्रतिक्रिया यावर देत आहेत.