बॉलीवूड अभिनेता विकी कौशलचा ‘सॅम बहादुर’ हा चित्रपट आज (१ डिसेंबर) देशभरात प्रदर्शित झाला आहे. या चित्रपटामुळे अभिनेता सध्या चर्चेत आहे. या चित्रपटाची प्रेक्षकांमध्ये चर्चा आहे. विकी कौशल या चित्रपटाच्या प्रमोशनमध्ये व्यग्र आहे. याच दरम्यान, नुकत्याच दिलेल्या एका मुलाखतीत विकी कौशलने पत्नी कतरिनाशी संबंधित काही गुपितं उघड केली आहेत.
नुकत्याच दिलेल्या एका मुलाखतीत विकी कौशलला कतरिनाकडून काय शिकायला मिळालं, असा प्रश्न विचारण्यात आला. विकी म्हणाला, “कतरिना माझ्या फॅशनबद्दल माझ्या तोंडावर वाईट बोलते. मी काय घालायला पाहिजे हे कतरिनाच ठरवते आणि तसं झालं नाही तर ती तोंडावर म्हणते की काय जोकर दिसत आहेस. एकदा मी कुठेतरी जात होतो. तिने अक्षरशः माझा हात ओढला आणि ‘तू असा बाहेर जाणार नाहीस’ असं म्हणत मला मागे खेचलं. मी कतरिनाला विचारलं की यात काय वाईट आहे आणि मग ती म्हणाली की सगळंच वाईट आहे. त्यानंतर मी पुन्हा कपडे बदलले.”
विकी कौशलने कतरिनाचं कौतुक केलं. “जेव्हा जेव्हा कोणताही अॅक्शन सीन किंवा गाणं किंवा शूटिंग असतं तेव्हा ती खूप तयारी करते. ती खूप मेहनत करते. कोणत्याही शूटच्या ५ महिने आधीच तिची तयारी सुरू होते. ती तिचा डाएट बदलते आणि दिनचर्याही बदलते. एवढी शिस्त मी आजवर पाहिली नाही. मी शिस्तबद्ध राहणं तिच्याकडून शिकलो,” असं विकी कतरिनाबद्दल म्हणाला.
विकी कौशलच्या ‘सॅम बहादुर’ या चित्रपटाचे दिग्दर्शन मेघना गुलजारने केले आहे. हा चित्रपट सॅम माणेकशा यांच्या जीवनावर आधारित आहे. या चित्रपटाची आज बॉक्स ऑफिसवर रणबीर कपूर स्टारर ‘अॅनिमल’ या चित्रपटाशी टक्कर होत आहे. विक्की कौशलशिवाय सान्या मल्होत्रा आणि फातिमा सना शेख या चित्रपटात महत्त्वाच्या भूमिकेत आहेत.
