विकी कौशल आणि सान्या मल्होत्रा यांच सॅम बहादूर हा चित्रपट आज (१ डिसेंबरला) चित्रपटगृहामध्ये प्रदर्शित झाला आहे. या चित्रपटाला समीक्षक आणि प्रेक्षकांचा सकारात्मक प्रतिसाद मिळताना दिसत आहे. अॅडव्हान्स बुकिंगमधून या चित्रपटाने लाखोंची कमाई केली आहे. बहुचर्चित असलेला ‘सॅम बहादूर’ चित्रपट पाहण्यासाठी प्रेक्षक चित्रपटगृहात गर्दी करत आहेत. हेही वाचा- Animal Review: वडील-मुलाच्या विचित्र नात्याची, आजवर कधीही न ऐकलेली अन् पाहिलेली अस्वस्थ करणारी ‘हिंसक’ गोष्ट मात्र, चित्रपटाच्या पहिल्याच दिवशी 'सॅम बहादूर'च्या निर्मात्यांना मोठा झटका बसला आहे. 'सॅम बहादूर' चित्रपटगृहात प्रदर्शित झाल्यानंतर अवघ्या काही तासांतच ऑनलाइन साइट्सवर लीक झाला आहे. तमिलरॉकर्स, मूवीरुलज़, तमिलएमवी, फिल्मीज़िला, इबोम्मा सारख्या पायरसी साइट्सवर हा चित्रपट लीक करण्यात आला आहे. हा चित्रपट ऑनलाइन बघण्याबरोबरच डाऊनलोडही करता येणं शक्य आहे. त्यामुळे चित्रपटाच्या कमाईवर याचा परिणम होण्याची शक्यता आहे. ‘सॅम बहादुर’ चित्रपटात विकी कौशलसह अभिनेत्री सान्या मल्होत्रा आणि फातिमा सना यांची प्रमुख भूमिका आहे. विकीने या चित्रपटात भारताचे पहिले फिल्ड मार्शल सॅम माणेकशा यांची भूमिका साकारली आहे. तर सान्या मल्होत्राने सॅम माणेकशा यांच्या पत्नीची भूमिका साकारली आहे. फातिमा सना शेख हिने या चित्रपटात भारताच्या माजी पंतप्रधान इंदिरा गांधी यांच्या भूमिकेत दिसत आहे.
