कियारा अडवाणी व सिद्धार्थ मल्होत्रा ७ फेब्रुवारी रोजी विवाहबंधनात अडकले. काही वर्ष एकमेकांना डेट केल्यानंतर त्यांनी लग्न करण्याचा निर्णय घेतला. जैसलमेरमधील सूर्यगढ पॅलेसमध्ये त्यांचा शाही विवाह सोहळा रंगला. तर काल मुंबईत यांच्या लग्नाचं जंगी रिसेप्शन झालं. त्या रिसेप्शनला विद्या बालननेही हजेरी लावली. परंतु रिसेप्शनला परिधान केलेल्या कपड्यांमुळे ती चांगलीच ट्रोल होत आहे.
सिद्धार्थ-किराच्या काल मुंबईत पार पडलेल्या रिसेप्शनला अनेक मान्यवर मंडळींनी हजेरी लावली. या रिसेप्शनला नीतू कपूर, आलिया भट्ट, अजय देवगण, काजोल, अभिषेक बच्चन, शिल्पा शेट्टी,अनुपम खेर, अर्पिता-आयुष शर्मा, दिशा पाटनी, वरुण धवन, करिना कपूर खान, करण जोहर असे अनेक बॉलिवूड सेलिब्रिटी उपस्थित होते. त्याचबरोबर या रिसेप्शनला अभिनेत्री विद्या बालन तिचा पती सिद्धार्थ रॉय कपूरबरोबर आली होती. कोणत्याही कार्यक्रमाला साडी नेसणारी विद्या काल एका घागऱ्यामध्ये दिसली. आता त्यावरून तिला ट्रोल केलं जात आहे.
सिद्धार्थ-कियाराच्या रिसेप्शनला विद्या बालनने काळ्या रंगाचा घागरा परिधान केला होता. या घागऱ्याचा टॉप तिच्या कमरेपर्यंत होता तर घागऱ्याला भरपूर घेरही होता. या ड्रेस मध्ये चालताना ती अडखळत होती. या ड्रेसमध्ये ती अजिबातच कम्फर्टेबल दिसली नाही. त्यामुळे तिचं चाळणंही बदललं होतं. आता तिच्या या व्हिडीओवर नेतकऱ्यांनी विविध प्रतिक्रिया दिल्या आहेत.
हेही वाचा : “विद्या बालनने मला किस…” पूजा भट्टने मौन तोडत केला मोठा खुलासा
एका नेटकऱ्याने लिहिलं, “कोणत्याही समारंभाला विद्या साडी नेसून येते. आज हिला काय झालं?” तर दुसरा नेटकरी म्हणाला, “ही ज्या प्रकारे चालतीये त्यावरून ती प्रेग्नंट असल्याचं दिसत आहे.” आणखी एका नेटकऱ्याने या व्हिडीओवर कमेंट करत लिहिलं, “त्या ड्रेसमध्ये ती अजिबात कम्फर्टेबल नाहीये.” तर आणखी एक नेटकरी म्हणाला, “वाईट फॅशन सेन्सचा पुरस्कार जातोय विद्या बालनला…” त्यामुळे आता तिचा हा व्हिडिओ चांगलाच चर्चेत आला आहे.
