“मला सेक्स कॉमेडी करण्यात…” चित्रपटांमध्ये काम करण्याबाबत अभिनेत्री राधिका आपटेचा खुलासा

राधिका कायमच आपली मतं ठामपणे मांडत असते. नुकतीच बॉलिवूड हंगामाला दिलेल्या मुलाखतीत तिने काही खुलासे केले आहेत. ती असं म्हणाली, ‘मला सेक्स कॉमेडी करण्यात कोणतीही अडचण नाही. ‘हंटर’ या चित्रपटाला तुम्ही सेक्स कॉमेडी म्हणू शकता. चित्रपटाचा असा कोणताही एक जॉनर असू शकत नाही. याआधी जे सेक्स कॉमेडीवर आधिरीत चित्रपट आले आहेत त्यात कायमच महिलांची अवहेलना करण्यात आली आहे. ज्या पद्धतीने महिलांना दाखवण्यात आले आहे ते मला आवडलेले नाही. म्हणून मी ते चित्रपट केले नाहीत. काही चित्रपट केले नाहीत कारण त्या चित्रपटाची प्रक्रिया खूप लांबवली. या देशात लोक वेळेवर येत नाही’.

तापसी पन्नू व फोटोग्राफर यांच्यामध्ये पुन्हा एकदा वाद, नेटकरी म्हणाले, “जया बच्चन…”

बॉलिवूड हंगामाला दिलेल्या मुलाखतीत तिने अनेक खुलासे केले आहेत. ती पुढे सेक्स कॉमेडी चित्रपटांबद्दल म्हणाली, ‘चित्रपटाची स्क्रिप्ट वाचताना समजते हा चित्रपट नक्की कशावर आहे. या चित्रपटाचं म्हणणं काय आहे. काय पद्धतींचे विनोद त्यात लिहले गेले आहेत. त्यातील अभिनेता ज्यापद्धतीने अभिनेत्रींनवर विनोद करतो आणि ते प्रकर्षाने दाखवले जाणार असले तर मी असे चित्रपट करणार नाही’.

राधिकाच्या अभिनयातील प्रवास तितका सोपा नव्हता. मराठी एकांकिका, चित्रपट, नाटक यातून तिला हिंदी चित्रपटात काम मिळत गेले. राधिका मूळची पुण्याची आहे. तिने ‘सेक्रेड गेम्स’, ‘लस्ट स्टोरीज’ या वेबसीरिज तसेच ‘अंधाधुन’, ‘फोबिया’ यांसारख्या हिट चित्रपटांमध्ये काम केलं आहे. ‘लई भारी’ या मराठी चित्रपटात ती रितेश देशमुखबरोबर दिसली होती.

राधिका आपटे आपल्या खासगी आयुष्याबद्दल नेहमी मोकळेपणाने बोलत असते, तिने २०१२ मध्ये बेनेडिक्ट टेलर या ब्रिटीश संगीतकाराशी लग्न केले. लग्नानंतर लगेच तिने चित्रपटांमध्ये काम करण्यासाठी भारतामध्ये राहण्याचा निर्णय घेतला. करोना काळात ती पुन्हा इंग्लंडला परतली. तेव्हापासून राधिका तिच्या नवऱ्यासह तेथे वास्तव्याला आहे.