‘आदिपुरुष’ आणि त्याच्या निर्मात्यांवर विंदू दारा सिंहची टीका; अभिनेता म्हणाला, “ही एक घोडचूक…”

विंदू यांचे वडील दारा सिंह हे त्यांनी साकारलेल्या हनुमानाच्या भूमिकेसाठी प्रसिद्ध होते. रामानंद सागर यांच्या रामायण मालिकेत दारा सिंह यांनी साकारलेल्या हनुमानाच्या भूमिकेची प्रेक्षक आजही आठवण काढतात. विंदू दारा सिंह याने त्याच्या वडिलांच्या याच भूमिकेची आठवण काढताना नुकत्याच आलेल्या ‘आदिपुरुष’बद्दल भाष्य केलं आहे. इतकंच नव्हे तर त्याला ओम राऊत व मनोज मुंतशीरसारख्या कलाकारांकडून ही अपेक्षा नव्हती असंही स्पष्ट केलं आहे.

आणखी वाचा

‘क्रिश ४’ चित्रपटाबद्दल धक्कादायक माहिती आली समोर, दिग्दर्शक राकेश रोशन यांनी केला खुलासा; म्हणाले, “यापुढे मी…”

‘या’ कारणामुळे शाहरुख खान सोडणार होता बॉलीवूड; दिल्लीला…

करिअरच्या शिखरावर असताना डॉ. श्रीराम नेनेंशी लग्न करण्याचा निर्णय का घेतला? माधुरी दीक्षित म्हणाली…

आमिर खानने किरण राववर केला ‘हा’ आरोप; म्हणाला, “तिला माझ्या अभिनयावर…”

अर्जुन कपूरने ‘या’ व्यक्तीसाठी खांद्यावर काढला टॅटू, फोटो शेअर करत म्हणाला, “ती माझ्यावर…”

Video: जिनिलीया आणि रितेश देशमुखच्या हुडीवर लिहिलेल्या शब्दांनी वेधलं लक्ष; पाहा व्हिडीओ

Video: शाई लावलेले बोट दाखवा म्हटल्यावर सलमान खानने…; बॉलीवूडच्या भाईजानचा हटके अंदाज, पाहा व्हिडीओ

“तुम्ही कायम माझ्या हृदयात…”, ऐश्वर्या राय-बच्चनची वडील आणि आराध्यासाठी खास पोस्ट; नेटकरी म्हणाले, “एक स्त्री म्हणून तुझा अभिमान…”

“तुझा काय XX…”, प्रसिद्ध गायिकेविषयी अनु मलिकने केलेली आक्षेपार्ह टिप्पणी; नेमकं काय घडलेलं?

आणखी वाचा : गँगस्टरकडून घेतलेले पैसे, बायकोचे दागिने ठेवले गहाण; ‘बॉबी’साठी राज कपूर यांनी असं का केलेलं? जाणून घ्या

विंदू म्हणाला, “इतके उत्तम दिग्दर्शक आणि निर्माते एवढी मोठी घोडचूक करतात हे माझ्यासाठी फार धक्कादायक होतं. त्यांना जर पुढच्या पिढीपर्यंत रामायण पोहोचवायचे होते तर त्यांनी ते योग्य पद्धतीने दाखवायला हवे होते. हा चित्रपट पूर्णपणे गंडलेला होता, ही एक मोठी घोडचूक होती. मला यांच्याकडून अशी अपेक्षा नव्हती. इतकंच नव्हे तर चित्रपटातील कित्येक कलाकारांनी मला स्वतः येऊन सांगितलं की चित्रीकरणादरम्यान त्यांनी स्वतः यातले काही संवाद बदलण्याची विनंती केली होती. मला खात्री आहे निर्माते पुन्हा अशी चूक कधीच करणार नाहीत.”

विंदूनेही आपल्या वडिलांप्रमाणे एका मालिकेत हनुमानाची भूमिका साकारली होती. त्याबद्दल बोलताना तो म्हणाला, “सोनी टेलिव्हिजनवरील ‘जर वीर हनुमान’ मालिकेत जेव्हा मला हनुमानाची भूमिका साकारायची संधी मिळाली तेव्हा माझ्या वडिलांना मला एक नियमावली आखून दिली. त्यांनी मला सांगितलं जेव्हा तू हनुमानाच्या वेशभुषेमध्ये असशील तेव्हा कोणतीही चुकीची गोष्ट खाऊ नकोस, कोणतेही चुकीचे विचार मनात आणू नकोस. मी बऱ्याचदा ही भूमिका साकारली आहे. आजही मला ही भूमिका करायला मिळाली तर मी माझ्या वडिलांनी सांगितलेल्या नियमांचं काटेकोरपणे पालन करेन.”