भारताचा माजी कर्णधार विराट कोहली आणि अभिनेत्री अनुष्का शर्मा यांची जोडी जगभरात लोकप्रिय आहे. विराट-अनुष्का सोशल मीडियावर नेहमीच चर्चेत असतात. दोघांचेही मुंबईतील जुहू परिसरात आलिशान घर आहे मात्र, अनेक बॉलीवूड सेलिब्रिटींप्रमाणे विरुष्कालाही अलिबागची भुरळ पडली आहे. या जोडप्याने अलिबागमध्ये समुद्रकिनारपट्टीच्या बाजूला नवीन जागा खरेदी केल्याचे वृत्त ‘इ-टाइम्स’ने दिले आहे.
हेही वाचा : “…तेव्हा माझ्या डोळ्यात पाणी आलं”, चिन्मय मांडलेकरने सांगितला किस्सा; म्हणाला, “महाराजांची भूमिका साकारणे…”
मुंबईपासून प्रवासाच्या दृष्टीने सोयीचे असल्याने अनेक बॉलीवूड सेलिब्रिटींनी अलिबागमध्ये प्रशस्त जागा घेऊन आलिशान घरे बांधली आहेत. शाहरुख खान, रणवीर-दीपिका, राहुल खन्ना, अनिता श्रॉफ अशा बऱ्याच सेलिब्रिटींची अलिबागमध्ये घरं आहेत. विराट-अनुष्कानेही यापूर्वी अलिबागमध्ये गुंतवणूक केली होती. परंतु, सध्या दोघेही नव्या प्रोजेक्टची पाहणी करतानाचे फोटो सोशल मीडियावर व्हायरल झाले आहेत.
विराट अनुष्का १३ ऑगस्टला अलिबाग दौऱ्यावर गेले होते. अलिबागमधील झिराड गाव येथे या जोडप्याचे नवीन फार्महाऊस तयार होणार आहे. ‘इ-टाइम्स’ने दिलेल्या माहितीनुसार तब्बल २० हजार चौरस फूट जागेवर हे फार्महाऊस उभारण्यात येणार आहे. विराट कोहली आणि अनुष्का शर्मा यांनी अलिबागमध्ये २.५४ एकर आणि ४.९१ एकर अशा दोन स्वतंत्र जमीन खरेदी केल्या आहेत. या संपूर्ण प्लॉटची किंमत एकूण १९.२४ कोटी रुपये एवढी आहे. येत्या १८ ते २४ महिन्यांत याचे बांधकाम पूर्ण होईल असा अंदाज वर्तवण्यात येत आहे.
हेही वाचा : “२० वर्षे एकच मोबाइल फोन…”, पंकज त्रिपाठींनी वैयक्तिक आयुष्याबद्दल केला खुलासा; म्हणाले, “मी व्हॉट्सॲप…”
दरम्यान, दोघांच्या वर्कफ्रंटबद्दल सांगायचे झाले तर, विराट कोहली सध्या आशिया चषक आणि विश्वचषक स्पर्धेसाठी तयारी करत आहे. तसेच अनुष्का शर्मा लवकरच ‘चकदा एक्स्प्रेस’ या चित्रपटातून पुनरागमन करण्याच्या तयारीत आहे. यामध्ये अभिनेत्री भारतीय गोलंदाज झुल्लन गोस्वामी यांची भूमिका साकारणार आहे.
