Vivek Agnihotri Vs Anurag Kashyap: दोन आघाडीच्या दिग्दर्शकांमध्ये Twitter War; एकमेकांवर सडकून टीका

नुकत्याच दिलेल्या एका मुलाखतीदरम्यान अनुराग कश्यपने ‘कांतारा’ आणि ‘पुष्पा’सारख्या चित्रपटांच्या यशाबाबत एक विधान केलं होतं. हे विधान बरंच चर्चेत होतं. ‘सैराट’, ‘कांतारा’ किंवा ‘पुष्पा’सारखे चित्रपट हे मनोरंजनसृष्टीचं नुकसान करत आहेत असं विधान अनुरागने केलं होतं. अर्थात अनुरागचा यामागचा उद्देश फार वेगळा होता. हे चित्रपट हीट ठरल्यावर संपूर्ण मनोरंजनसृष्टी अशाच चित्रपटांच्या पावलावर पाऊल टाकत चालते आणि हे खूप धोकादायक आहे असं अनुरागचं स्पष्टीकरण होतं.

आणखी वाचा

Eknath Shinde : मुख्यमंत्री शिंदेंचा हिना गावितांना अप्रत्यक्ष इशारा; म्हणाले, “बंडखोरी…”

Nana Patole : निकालाआधी राजकीय घडामोडींना वेग; यातच…

“सेटवर आम्ही कधीच त्यांना…”, ऐश्वर्या आणि अभिषेक बच्चनबाबत अभिनेता म्हणाला, “त्यांच्या नात्यामुळे…”

Raosaheb Danve : कार्यकर्त्याला लाथ मारल्याच्या व्हिडीओवर रावसाहेब दानवेंची प्रतिक्रया; म्हणाले, “माझ्यातला कार्यकर्ता जागा होतो, तेव्हा…”

भाजपाचे नेते काँग्रेसच्या मुख्यमंत्र्यांचे चीअरलीडर्स आहेत; केटी रामाराव यांचा आरोप!

Ricky Ponting on Gautam Gambhir: “स्वभावच इतका चिडचिडा…”, गौतम गंभीरबाबत रिकी पॉन्टिंगचे मोठे वक्तव्य, विराट कोहलीच्या फॉर्मवरून रंगला वाद

Raosaheb Danve Viral Video: रावसाहेब दानवेंची लाथ बसलेल्या कार्यकर्त्याची प्रतिक्रिया समोर; म्हणाला, “म्हणून साहेबांनी मला…”

आणखी वाचा : शाहरुख-दीपिकाच्या हॉट केमिस्ट्रीचा तडका असलेलं ‘पठाण’चं नवं गाणं नेटकऱ्यांचा निशाण्यावर; हृतिकच्या ‘या’ गाण्याशी होतीये तुलना

अनुरागच्या या विधानाचा एक फोटो विवेक अग्निहोत्री यांनी शेअर केला आणि लिहिलं की, “मी या महाशयांशी सहमत नाही.” विवेक यांच्या या ट्वीटवर अनुरागने त्यांच्या ‘द काश्मीर फाइल्स’ या चित्रपटाबद्दल टिप्पणी केली. विवेक यांना उत्तर देताना अनुराग म्हणाला, “सर तुमची चूक नाहीये. तुमच्या चित्रपटाचा रिसर्चसुद्धा या छोट्याश्या ट्वीटप्रमाणेच आहे. तुमची आणि तुम्हाला फॉलो करणाऱ्या मीडियाचीसुद्धा हीच परिस्थिती आहे. आत्ता खपवून घेतलं, पण यापुढे अशा विषयांवर जरा गांभीर्याने अभ्यास करा.” अनुरागने या ट्वीटमधून ‘द काश्मीर फाइल्स’ चित्रपटासाठी केलेला रिसर्च हा एकांगी आणि अर्धवट होता असं अनुरागला सूचित करायचं आहे.

यावर विवेक अग्निहोत्री यांनीसुद्धा अनुरागला चोख उत्तर दिलं आहे. ते आपल्या ट्वीटमध्ये म्हणतात, “एवढं तुम्ही बोललाच आहात तर आता ही गोष्टदेखील सिद्ध करूनच दाखवा की ‘द काश्मीर फाइल्स’साठी केलेला ४ वर्षांचा रिसर्च खोटा आहे. गिरिजा टिकू, बीके गंजू, एयरफोर्सच्या लोकांची हत्या हे सगळं खोटं होतं. ७०० पंडितांचे व्हिडिओ जे आमच्याकडे आहेत तेसुद्धा खोटे आहेत. हिंदूंचा नरसंहार झालाच नाही. हे सगळं तुम्ही सिद्ध करून तर दाखवा, मग आमच्याकडून अशी चूक पुन्हा होणार नाही.” या ट्वीटमध्येसुद्धा अनुरागच्या नुकत्याच फ्लॉप झालेल्या ‘दोबारा’ चित्रपटावर खोचक टिप्पणी करत विवेक यांनी उत्तर दिलं आहे. ‘द काश्मीर फाइल्स’ या चित्रपटाने बॉक्स ऑफिसवर तब्बल ३०० कोटीहून अधिक कमाई केली आहे. आता विवेक अग्निहोत्री कोविद लसीकरणाच्या मोहिमेमागील संघर्षावर चित्रपट लवकरच प्रेक्षकांसाठी घेऊन येणार आहेत. प्रेक्षक यासाठी उत्सुक आहेत.