‘याच्या चित्रपटांवर…’; ‘द केरला स्टोरी’बाबत केलेल्या ‘त्या’ वक्तव्यावरुन नवाजुद्दीन सिद्दीकीवर विवेक अग्निहोत्री भडकले, म्हणाले…

हेही वाचा- “पोस्टरखाली सत्यघटनेवर आधारित लिहून…” ‘द केरला स्टोरी’बाबत कमल हासन यांचे स्पष्ट मत, म्हणाले…

अग्निहोत्री यांनी ट्वीटमध्ये लिहिलं आहे ”भारतातील बहुतांशी मध्यमवर्गीय कुटुंबाना सिनेमा आणि ओटीटी सीरिजमधनं कोणत्याही कारणाशिवाय अपमानित केलं जातं किंवा पीडित तरी दाखवलं जातं. नवाझुद्दिन सिद्दिकीच्या सिनेमांवर आणि ओटीटीवरील सीरिजवर बंदी आणायला हवी खरंतर. यावर तुमचं मत काय आहे?”

काही दिवसांपूर्वी नवाझुद्दिन सिद्दिकीनं ‘द केरळ स्टोरी’वर काही राज्यात आणलेल्या बंदीचं समर्थन केलं होतं. मात्र त्यानंतर नवाजने या बातम्या खोट्या असल्याचं म्हटलं होतं आणि यावर स्पष्टीकरण देत म्हटलं होतं की ‘कधीच कोणत्या सिनेमावर बंदी यावी असं मला चुकूनही वाटणार नाही’.

सुदिप्तो सेन दिग्दर्शित आणि विपुल शाह निर्मित, ‘द केरला स्टोरी’ चित्रपटाला प्रदर्शनापूर्वीच मोठ्या विरोधाचा सामना करावा लागला होता. एवढेच नाही तर तामिळनाडूमध्ये पश्चिम बंगालमध्ये या चित्रपटावर बंदी घातली होती. मात्र, सर्वेच्च न्यायालयाच्या आदेशानंतर पश्चिम बंगालमधील चित्रपटावरील बंदी हटवण्यात आली आहे. हा चित्रपट आता पश्चिम बंगालमध्ये प्रदर्शित होत आहे. चित्रपटाने आत्तापर्यंत भारतात २१६.०७ कोटी रुपयांची कमाई केली आहे. तर जगभरातील बॉक्स ऑफिसवर चित्रपटाने २५० कोटींहून अधिकचा गल्ला जमवला आहे.