अभिनेत्री अनुष्का शर्मा व अभिनेता रणवीर सिंह यांनी ‘बँड बाजा बारात’, ‘लेडिस वर्सेस रिकी बहल’, ‘दिल धडकने दो’ अशा सिनेमांमध्ये एकत्र काम केलं आहे. एकेकाळी या दोघांच्या डेटिंगच्या चर्चा होत्या, पण सर्व चर्चा अनुष्का शर्माने फेटाळल्या होत्या. अनुष्काने रणवीरला का डेट करत नसल्याचं कारण सिमी गरेवालच्या शोमध्ये सांगितलं होतं. रणवीर व दीपिकाने ‘कॉफी विथ करण’ या शोच्या आठव्या पर्वात हजेरी लावल्यानंतर अनुष्काचा जुना व्हिडीओ व्हायरल होत आहे, ज्यामध्ये ती रणवीरबद्दल बोलताना दिसते.
‘या’ अभिनेत्रीने ‘रामलीला’ सोडल्याने लागलेली दीपिका पदुकोणची वर्णी, रणवीर सिंह खुलासा करत म्हणाला…
मुलाखतीत तू रणवीरला डेट का करत नाहीस? असं सिमी गरेवाल तिला विचारते. उत्तर देताना अनुष्काने सर्वात आधी रणवीरला डेट करत नसल्याचं स्पष्ट केलं आणि नंतर म्हणाली, “जर तुम्ही रणवीर आणि मला खरंच चांगले ओळखत असाल किंवा जे लोक आम्हाला चांगले ओळखतात, तर त्यांना माहीत आहे की आम्ही खूप वेगळे लोक आहोत.”
अनुष्का पुढे म्हणाली, “आमचं नातं खूप वेगळं आहे. आम्ही एकमेकांना मारू शकतो. मी खरं सांगत आहे, मी त्याचे डोके फोडू शकते, तो माझं डोकं फोडू शकतो. जर आम्हाला कधी रिलेशनशिपमध्ये यावं लागलं तर आम्हाला नात्यापासून वेगवेगळ्या गोष्टी अपेक्षित असतील. आम्ही दोघे आयुष्याला खूप वेगळ्या पद्धतीने बघतो. तो अतिशय प्रॅक्टिकल आहे, मी अजिबात प्रॅक्टिकल नाही.”
“मला तो आवडतो, तो आकर्षक आहे. पण, माझ्यासाठी नातं फालतू असू शकत नाही. त्यामुळे जर मी एखाद्या पुरुषाबरोबर असेल तर त्याने मला शांत करणे आवश्यक आहे. नाहीतर त्या नात्याला काही अर्थ नसेल,” असं अनुष्का या व्हिडीओत म्हणताना दिसते. दरम्यान, अनुष्का व रणवीरबद्दल बोलायचं झाल्यास अनुष्का क्रिकेटपटू विराट कोहलीला डेट करत होती. दोघांनी काही वर्षे डेट केल्यानंतर लग्नगाठ बांधली, तर रणवीरने दीपिका पदुकोणशी लग्न केलं.
