बॉलिवूड अभिनेता सलमान खान त्याच्या आगामी ‘किसी का भाई किसी की जान’ चित्रपटामुळे चर्चेत आहे. काही दिवसांपूर्वी अभिनेत्री पलक तिवारीने सलमान खानबद्दल वक्तव्य केलं होतं. सलमानने सेटवर काम करणाऱ्या सगळ्या मुलींनी स्वतःचे अवयव नीट झाकले जातील असे कपडे घालायची सक्ती करण्यात आल्याचं पलकने स्पष्ट केलं होतं. एकदा सेटवर बॉलिवूड अभिनेत्री कतरिना कैफला सलमानने कपडे बदलायला लावले होते.

या बातमीसह सर्व प्रीमियम कंटेंट वाचण्यासाठी साइन-इन करा
Skip
या बातमीसह सर्व प्रीमियम कंटेंट वाचण्यासाठी साइन-इन करा

‘एक था टायगर’ चित्रपटाच्या शूटिंगदरम्यान हा किस्सा घडला होता. या चित्रपटातील एका गाण्यासाठी कतरिनाने डीप नेक असलेला शॉर्ट ड्रेस परिधान केला होता. कतरिनाचा हा ड्रेस सलमानला अजिबात आवडला नव्हता. त्याने कतरिनाला ड्रेस बदलण्यास सांगितले. त्यावर कतरिना दिग्दर्शकांनी मला हा ड्रेस घालायला सांगितल्याचं सलमानला म्हणाली होती. त्यानंतर सलमान खानने चित्रपटाचे दिग्दर्शक रजत शर्मा यांच्याशी बोलून गाण्यासाठी अशी ड्रेसची आवश्यकता नसल्याचं त्यांना सांगितलं.

आणखी वाचा

हेही वाचा>> “मला रणबीर कपूरबरोबर रोमान्स…” ऋता दुर्गुळेचं वक्तव्य चर्चेत, म्हणाली “त्याचे डोळे…”

सलमानच्या मते, तो ड्रेस कतरिनाच्या साइजचा नव्हता. “खूप साऱ्या मुली होत्या ज्यांनी तोकडे कपडे घातले होते. जोपर्यंत आपल्या मुली योग्यप्रकारे कपडे घालत आहेत, तोपर्यंत काळजी करण्याची गरज नाही,” असंही सलमान म्हणाला होता.

हेही वाचा>> प्रियांका चोप्राच्या घरी छापेमारी झाल्यावर टॉवेलमध्ये असलेल्या शाहीद कपूरने उघडलेला दरवाजा अन्…; अभिनेत्री सत्य सांगत म्हणालेली…

दरम्यान, सलमानच्या ‘किसी का भाई किसी की जान’ चित्रपटाचा ट्रेलर नुकताच प्रदर्शित करण्यात आला आहे. या चित्रपटात सलमान खानसह अभिनेत्री पूजा हेगडे, पलक तिवारी, शेहनाज गिल, दाक्षिणात्य अभिनेता जगपती बाबू या कलाकरांच्या महत्त्वाच्या भूमिका आहेत. हा चित्रपट येत्या २१ एप्रिलला प्रदर्शित होणार आहे.