अभिनेत्री तमन्ना भाटिया आणि अभिनेता विजय वर्मा ही बॉलीवूडची नवी जोडी सध्या चांगलीच चर्चेत आहे. ‘लस्ट स्टोरीज २’ हा चित्रपट प्रदर्शित होण्याच्या काही दिवसांआधीच या दोघांनी एकमेकांना डेट करत असल्याचं जाहीर केलं होतं. तेव्हापासून ‘लस्ट स्टोरीज २’ या चित्रपटासाठी तमन्ना आणि विजय शर्माचं अफेअर हे पब्लिसिटी स्टंट असल्याचं बोललं जात होतं. पण आता यावर विजय वर्मानं स्पष्टच उत्तर दिलं आहे.
‘जीक्यू इंडिया’ला दिलेल्या मुलाखतीमध्ये तमन्नाबरोबरचं अफेअर पब्लिसिटी स्टंट असल्याच्या चर्चेवर विजय वर्मा म्हणाला की, “आम्ही दोघं एकमेकांना डेट करत असल्याचं हे बऱ्याच लोकांना माहित आहे. मी खूप आनंदी आहे आणि मी तमन्नाच्या प्रेमात ठार वेडा आहे. मी माझ्या आयुष्याचं खलनायक पर्व संपवून, रोमँटिक पर्वात प्रवेश केला आहे.”
हेही वाचा – ‘मैं अटल हूं’ चित्रपटाचं ‘इतक्या’ दिवसांत शूटिंग झालं पूर्ण; व्हिडीओ शेअर दिग्दर्शक रवी जाधव म्हणाले…
दरम्यान, जेव्हा न्यू इअरच्या गोव्यातील पार्टीमध्ये तमन्ना आणि विजय एकत्र दिसले होते, तेव्हापासून त्यांच्या अफेअरच्या चर्चांना उधाण आलं होतं. त्यानंतर दोघं मुंबई विमानतळावरही एकत्र दिसले होते. मग ‘लस्ट स्टोरीज २’ चित्रपट प्रदर्शित होण्यापूर्वी दोघांनी प्रेमाची कबुली दिली होती. या चित्रपटामध्ये दोघं बोल्ड सीन करताना दिसले आहेत.
हेही वाचा – ‘मिशन इम्पॉसिबल 7’ चित्रपटासाठी टॉम क्रूजनं आकारलं ‘इतक्या’ कोटीचं मानधन, आकडा वाचून व्हाल थक्क
विजय वर्माच्या वर्कफ्रंटबद्दल बोलायचं झालं तर, ‘काल कूट’ या वेब सीरिजमधून तो लवकरच प्रेक्षकांच्या भेटीस येणार आहे. काही दिवसांपूर्वीच या सीरिजचा टीझर प्रदर्शित झाला होता, ज्याला प्रेक्षकांचा चांगला प्रतिसाद मिळाला. या सीरिजमध्ये विजयबरोबर अभिनेत्री श्वेता त्रिपाठी प्रमुख भूमिकेत दिसणार आहे.
