Year Ender 2024 : विकी कौशलचं ‘तौबा-तौबा’ ते ‘सजनी’; वर्षभरात ‘या’ १० गाण्यांनी घातला धुमाकूळ, पाहा संपूर्ण यादी…

गेल्या काही वर्षांत सोशल मीडियाचा वापर मोठ्या प्रमाणात वाढला आहे. त्यामुळे चित्रपटातील अनेक गाणी सिनेमे प्रदर्शित होण्याआधीच रिल्स किंवा युट्यूब शॉर्ट्सवर व्हायरल झालेली असतात. असाच काहीसा अनुभव २०२४ मध्ये सिनेप्रेमींना आला. यंदाच्या वर्षी सर्वाधिक गाजलेली गाणी कोणती याची यादी पाहुयात…

१. तौबा तौबा – बॅड न्यूज ( Bad Newz Song – Tauba Tauba )

विकी कौशल आणि तृप्ती डिमरी यांच्या प्रमुख भूमिका असलेला ‘बॅड न्यूज’ चित्रपट जुलै महिन्यात प्रेक्षकांच्या भेटीला आला होता. मात्र, त्याच्या महिनाभर आधीच यामधलं ‘तौबा तौबा’ गाणं सर्वत्र व्हायरल झालं होतं. या गाण्यात विकी कौशलने केलेली हुकस्टेप विशेष चर्चेत आली होती. हे गाणं करण औजलाने गायलं आहे.

हेही वाचा : Year Ender 2024 : ‘हे’ १० चित्रपट ठरले ब्लॉकबस्टर, बॉक्स ऑफिसवरील कमाईसह प्रेक्षकांचीही मिळवली पसंती; वाचा यादी

२. आई नई – स्त्री २ ( Aayi Nai -Stree 2 )

श्रद्धा कपूरच्या ‘स्त्री २’ चित्रपटाला यावर्षी बॉक्स ऑफिसवर अभूतपूर्व यश मिळालं. यामधलं ‘आई नई’ हे गाणं सर्वत्र लोकप्रिय ठरलं. “झुठी खाई थी कसम जो निभायी नई, काटी रात मैने खेतो में तू आई नई” असे या गाण्याचे बोल आहेत. हे गाणं राजकुमार राव आणि श्रद्धा कपूर यांच्यावर चित्रित झालेलं आहे. या गाण्याला युट्यूबवर देखील लाखो व्ह्यूज मिळाले आहेत.

३. तरस – मुंज्या

‘तरस’ गाण्यात शर्वरी वाघच्या जबरदस्त डान्सने सर्वांचं लक्ष वेधून घेतलं. ‘मुंज्या’ चित्रपटातलं हे गाणं सचिन-जिगर यांनी संगीतबद्ध केलं आहे. हे गाणं जस्मिन सँडलसने गायलं आहे.

हेही वाचा : Video : लेकाच्या शाळेत २० वर्षांपूर्वीचं ‘ते’ एव्हरग्रीन गाणं ऐकून भावुक झाला शाहरुख खान! व्हिडीओ व्हायरल

४. सजनी – लापता लेडीज

२०२४ मध्ये किरण राव दिग्दर्शित ‘लापता लेडीज’ चित्रपटातील ‘सजनी’ ( Bollywood Songs ) गाण्याची भुरळ सर्वांनाच पडली. हे गाणं राम संपत यांनी संगीतबद्ध केलं असून बॉलीवूडचा लोकप्रिय गायक अरिजित सिंहने गायलं आहे.

५. भुल भुलैया ३ ( Bhool Bhulaiyaa 3- title track )

कार्तिक आर्यन, माधुरी दीक्षित, विद्या बालन आणि तृप्ती डिमरी यांच्या प्रमुख भूमिका असलेला ‘भुल भुलैया ३’ चित्रपट दिवाळीच्या मुहूर्तावर प्रदर्शित झाला. याचं शीर्षक गीत सर्वत्र सुपरहिट ठरलं होतं. हे टायटल ट्रॅक पिटबुल, दिलजीत दोसांझ, नीरज श्रीधर यांनी गायलं आहे.

६. ‘हुस्न’ – अनुव जैन

यंदाच्या वर्षात अनुव जैनचं ‘हुस्न’ गाणं देखील सर्वत्र चर्चेत आलं. अनुव हा आजच्या युगाचा गायक म्हणून ओळखला जातो. त्याची गाणी भावपूर्ण असतात. या गाण्याच्या व्हिडीओ व्हर्जनमध्ये तेजस आणि विदुषी यांची अफलातून केमिस्ट्री पाहायला मिळाली.

७. आज की रात – स्त्री २

‘स्त्री २’ चित्रपटातल्या आणखी एका गाण्याचा सुपरहिट गाण्यांच्या यादीत समावेश झालेला आहे. या गाण्यावर दाक्षिणात्य अभिनेत्री तमन्ना भाटियाने जबरदस्त डान्स केला आहे. ‘आज की रात’ हे गाणं मधुबंती बागची हिच्या आवाजात संगीतबद्ध करण्यात आलं आहे.

८. ओ माही – डंकी ( O Mahi )

शाहरुख खान आणि तापसी पन्नू यांचा ‘डंकी’ चित्रपट गेल्यावर्षी डिसेंबर महिन्याच्या अखेरिस प्रदर्शित झाला होता. त्यामुळे यामधली सगळी गाणी २०२४ वर्षाच्या सुरुवातीला चर्चेत आली. यंदाच्या वर्षाचा सुरुवातीचा काळ O Mahi या गाण्याने चांगलाच गाजवला. हे सुंदर गाणं अरिजित सिंहने गायलं आहे.

९. अखिया गुलाब – तेरी बातों में ऐसा उलझा जिया

‘तेरी बातों में ऐसा उलझा जिया’ हा चित्रपट ९ फेब्रुवारी २०२४ रोजी प्रेक्षकांच्या भेटीला आला होता. या चित्रपटाचं टायटल गाणं आणि ‘अखिया गुलाब’ हे गाणं…या दोन्ही गाण्यांनी प्रेक्षकांची भरभरून पसंती मिळवली. ‘अखिया गुलाब’ ‘मित्राज’ ( Mitraz ) यांचं आहे.

१०. Soulmate – अरिजित सिंह

Soulmate हे अरिजित सिंहचं गाणं ‘एक था राजा’ या अल्बम मधलं आहे. या गाण्याच्या निमित्ताने बॉलीवूडने अरिजित सिंह आणि प्रसिद्ध रॅपर बादशहा यांचं Collaboration पाहिलं. या गाण्याने इन्स्टाग्रामवर धुमाकूळ घातला होता. या गाण्याने युट्यूबवर जवळपास ७७ मिलियनच्या घरात व्ह्यूज मिळवले आहेत.