Boyz 3 Trailer : “मराठीचा माज बेळगावात नाही दाखवायचा तर…” बहुचर्चित ‘बॉईज ३’चा ट्रेलर प्रदर्शित

‘बॉईज ३’ चित्रपटाच्या ट्रेलरमध्ये हे त्रिकूट आणि विदुला करत असलेल्या प्रवासाची झलक आपल्याला पाहायला मिळाली आहे. लुंगीतलं हे कमाल त्रिकूट दक्षिण दिशेला करत असलेल्या प्रवासाची ही गोष्ट आहे. त्यांच्या या प्रवासात आलेलं विदुला नावाचे वळण कोणत्या ठिकाणी या तिघांना घेऊन जाणार ते चित्रपट पहिल्या नंतरच कळणार. ट्रेलरमधील ‘मराठीचा माज बेळगावात नाही दाखवायचा तर कुठे दाखवायचा’, ‘तुम्हाला तुमच्या भाषेचा माज दाखवता येतो तर आम्हाला आमच्या भाषेची लाज राखता येते’ हे संवाद मनं जिंकून घेतात.
आणखी वाचा- ‘लाल सिंग चड्ढा’ने हिट चित्रपटांना टाकलं मागे, भारतात सुपरफ्लॉप पण परदेशात कमावले ‘इतके’ कोटी

चित्रपटातील ‘लग्नाळू २.o’ गाणं प्रेक्षकांना भरपूर आवडले असून विदुलाची वेगळीच छबी या चित्रपटातून प्रेक्षकांच्या समोर आली आहे. मैत्रीमध्ये एकमेकांना अडचणीत टाकणं असो किंवा त्याच अडचणीतून त्यांना बाहेर काढण्यासाठीची मदत असो मित्र नेहमीच हाजीर असतात. मैत्रीची व्याख्या नव्या अंदाजात ह्या चित्रपटात आपल्याला पाहायला मिळणार आहे. धैर्य, ढुंग्या आणि कबीर यांच्यातील मैत्री खरंच खूप धमाल असणार आहे हे ट्रेलर पाहून वाटत आहे.

आणखी वाचा-‘बॉईज ३’ चित्रपटाचा टीझर प्रदर्शित, त्रिकुटाला भारी पडणाऱ्या ‘त्या’ अभिनेत्रीचा चेहरा आला समोर

सुप्रीम मोशन पिक्चर्स प्रा. लि प्रोडक्शन अंतर्गत एव्हरेस्ट एंटरटेनमेंटसह अवधूत गुप्ते प्रस्तुत ‘बॉईज ३’ चे दिग्दर्शन विशाल सखाराम देवरुखकर यांनी केले असून लालासाहेब शिंदे, राजेंद्र शिंदे, संजय छाब्रिया यांनी या चित्रपटाची निर्मिती केली आहे. विदुला चौगुले, सुमंत शिंदे, पार्थ भालेराव, प्रतीक लाड यांच्या उत्कृष्ट अभिनयाने रंगलेला हा चित्रपट येत्या १६ सप्टेंबर रोजी प्रेक्षकांच्या भेटीला येत आहे.