करोना काळात BTS ने दिला खास संदेश; ‘लाइफ गोज ऑन’गाणं प्रदर्शित

सध्या संपूर्ण जग करोनाग्रस्त वातावरणामुळे त्रस्त आहे. जगभरातील लाखो लोक बेरोजगार झाले आहेत. मोठ्या प्रमाणावर आर्थिक विषमता पसरत आहे. अशा प्रतिकूल परिस्थितीत संकटांशी दोन हात करण्याची प्रेरणा मिळावी यासाठी BTS बँडने या गाण्याची निर्मिती केली आहे. करोनाचा प्रसार होण्यापूर्वी आपण कसं जगत होतो अन् आता आपण कसं जगतोय याचं सुरेख चित्रण या गाण्यामध्ये केलं आहे. या गाण्याचं दिग्दर्शन जंन जंग कुके याने केलं आहे. हे गाणं कोरियन भाषेत आहे मात्र त्याला इंग्रजी भाषेत कोरस देण्यात आलं आहे. जेणेकरुन कोरियन न समजणारे रसिक देखील या गाण्याचा आनंद घेऊ शकतील.