भारतीय संघाचा युवा फलंदाज विराट कोहलीशी केवळ मैत्रीचे नाते असल्याचे सांगणारी बॉलीवूड अभिनेत्री अनुष्का शर्मा यावेळी आपल्या ‘मित्रा’ला भेटण्यासाठी थेट न्यूझीलंडमध्ये दाखल झाली. सध्या न्यझीलंड दौऱ्यावर असलेल्या भारतीय संघाचे कसोटी सामने सुरू आहेत.
अनुष्का आणि विराट मधील नात्यासंबंधी चर्चेला उधाण आल्याने यावेळी अनुष्काने न्यूझीलंडमध्ये दाखल झाल्याच्या बाबतीत तितकीच गुप्तता बाळगण्याचा प्रयत्न केला असेलही पण, चाहत्यांना कोण सावरणार? असेच काही झाले आणि न्यूझीलंडमधील या दोघांच्या चाहत्याने अनुष्का-विराटला एकत्र फिरताना बघितले, मग काय ‘क्लिकक्लिकाट’ सुरू झाला आणि हे दोघे कॅमेरात कैद झाले..
मिळालेल्या माहितीनुसार, अनुष्का शर्मा खास विराट कोहलीला भेटण्यासाठी ऑकलंडला दाखल झाली आहे. त्यामुळे एका बाजूला सध्या जोरदार फॉर्मात असलेला विराट कोहली आणि ‘जब तक है जान’ नटखट अभिनेत्री अनुष्का शर्मा यांच्या चाहत्यांमध्ये दोघांच्या नात्याबद्दल चर्चा तर होणारच…