बॉलिवूड अभिनेत्री चित्रांगदा सिंग ही लोकप्रिय अभिनेत्रींपैकी एक आहे. चित्रांगदा ही सोशल मीडियावर सक्रिय असल्याचे दिसते. चित्रांगदा ही सोशल मीडियावर सक्रिय असल्याचे दिसते. सोशल मीडियावर फोटो आणि व्हिडीओ शेअर करत ती चाहत्यांच्या संपर्कात राहते. नुकतीच चित्रांगदाने सोशल मीडियावर एक पोस्ट शेअर करत एअरहोस्टेसच्या वाईट वागणुकीबद्दल तक्रार केली आहे.
चित्रांगदाने तिच्या इन्स्टाग्राम अकाऊंटवरून ही पोस्ट शेअर केली आहे. “गो एअरच्या दिल्ली-मुंबई फ्लाइट ३९१ मध्ये आतापर्यंतची सर्वात वाईट आणि उद्धट एअरहोस्टेस आहे. कृपया तुम्ही सर्वांनी तिला थोडा शिष्टाचार शिकवा. तिच्यापेक्षा जास्त अहंकारी मी पाहिली नाही. या सगळ्यामुळे मी खूप निराश झाले आहे. यामुळे मला एअर इंडियाच्या खराब अनुभवाची आठवण झाली”, असे चित्रांगदा म्हणाली.
आणखी वाचा : ‘हा’ लोकप्रिय अभिनेता साकारणार ‘शक्तिमान’ ही भूमिका
पुढे चित्रांगदा म्हणाली, “ही घटना माझ्यासोबत नाही तर माझ्या शेजारी बसलेल्या व्यक्तीसोबत घडली, त्या व्यक्तीला एअर होस्टेसने अतिशय वाईट वागणूक दिली. तरीसुद्धी ती व्यक्ती अतिशय नम्रपणे त्या एअर होस्टेसशी बोलत होती. क्रुमध्ये असलेल्या लोकांनी असं रागाने बोलू नये.”
ही पहिलीच घटना नाही की कोणी गोएअर या कंपनी विरोधात तक्रार केली आहे. या आठवड्यातच बॉलिवूड अभिनेता आर्य बब्बरने एक व्हिडीओ शेअर करत गोएअरच्या पायलट विरोधात तक्रार केली होती.
आणखी वाचा : “गळ्यात कच्चा बादाम अडकलाय का?” रानू मंडल यांचं गाणं ऐकून नेटकऱ्यांनी लावला कपाळाला हात
चित्रांगदाने २००३ मध्ये केके मेनन विरुद्ध सुधीर मिश्रा यांच्या फिल्म ‘हजारों ख्वाहिशें ऐसी’ या चित्रपटातून पदार्पण केले. यानंतर तिने ये साली जिंदगी, देसी बॉयज, इनकार, बाजार या चित्रपटांमध्ये दिसली होती. चित्रांगदा शेवटी अभिषेक बच्चनच्या ‘बॉब बिस्वास’मध्ये दिसली होती. ती लवकरच सारा अली खान आणि विक्रांत मॅसीसोबत ‘गैसलाइट’ या चित्रपटात दिसणार आहे.