गेल्या काही दिवसांपासून सोशल मीडियावर गौतमी पाटील हे नाव सातत्याने चर्चेत असल्याचे पाहायला मिळते. गौतमी पाटीलच्या लावणीचा वाद चांगलाच रंगला होता. त्यानंतर महाराष्ट्राच्या मनोरंजन क्षेत्रातील सगळ्यात चर्चेतील नाव गौतमी पाटील ठरलं होतं. काही आठवड्यांपूर्वी एका मुलाखतीत गौतमीने तिच्या आयुष्यातील भावी जोडीदाराबद्दल भाष्य केले होते. त्यानंतर आता गौतमीने लग्न कधी करणार यावर उत्तर दिले आहे.
गौतमी पाटीलने नुकतंच ‘ई-टीव्ही’ला एक मुलाखत दिली. या मुलाखतीत तिला तिच्यावर होणाऱ्या विविध आरोपांबद्दल विचारणा करण्यात आली. यावेळी गौतमीला लग्नाबद्दल प्रश्न विचारण्यात आला. त्यावर तिने लाजत लाजत उत्तर दिले.
आणखी वाचा : “तुमच्या ठुमक्यांवर लाखो फिदा, पण लग्नाला…” शेतकरी मुलाचं गौतमी पाटीलला पत्र
“काही दिवसांपूर्वी तुम्ही एका मुलाखतीत लग्नाबद्दल बोलला होतात. अनेक तरुणांना तुम्ही लग्न कधी करणार आहात, असा प्रश्न पडला आहे?” असे तिला विचारण्यात आले.
त्यावर गौतमीने “अजून तरी मी लग्नाचा विचार केलेला नाही. पण जेव्हा लग्न ठरेल, तेव्हा मी तुम्हाला सर्वांना आवर्जुन सांगेन. सर्वांना पत्रिकाही देईन”, असे म्हटले. त्याबरोबरच तिने “तुम्ही लग्नाला या आणि तिथेही गोंधळ घालून जा”, असेही चाहत्यांना सांगितले.
आणखी वाचा : Open Letter: गौतमी पाटील, तुला हात जोडून विनंती आहे की महाराष्ट्राचा बिहार करु नकोस!
दरम्यान काही दिवसांपूर्वी गौतमी पाटीलला लग्नावरुन बीडमध्ये राहणाऱ्या किसानपुत्र श्रीकांत गडालेंनी पत्र लिहिलं होतं. या पत्राद्वारे त्यांनी गौतमी पाटीलची चांगलीच कानउघडणी केली होती. ‘तुझ्यासोबत लग्न करायला कोणीच तयार नाही’, असं म्हणत त्यांनी गौतमीला टोला लगावला होता.
