आलिया भट्टच्या ‘डार्लिंग्स’ या सिनेमाचा ट्रेलर नुकताच प्रदर्शित झाला आहे. या दमदार ट्रेलरला मोठी पसंती मिळताना दिसतेय. नुकताच या ट्रेलरचा लॉन्च सोहळा पार पडला. या सोहळ्याला सिनेमाच्या टीमने हजेरी लावली होती. तर गरोदर असल्याची बातमी दिल्यानंतर आलिया देखील पहिल्यांदाच मीडियासमोर आली.
आलिया भट्टने सोशल मीडियावर एक फोटो शेअर करत तिच्या चाहत्यांना ती आई होणार असल्याची गोड बातमी दिली होती. दरम्यान आलिया तिच्या पहिल्या बॉलिवूड सिनेमासाठी परदेशात होती. काही दिवसांपूर्वीच ती भारतात परतली आहे. भारतात परतल्यानंतर आलिया ‘डार्लिंग्स’ सिनेमाच्या ट्रेलर लॉन्चच्यानिमित्ताने पहिल्यांदा थेट चाहत्यांच्या समोर आली आहे. या सोहळ्यात आलिया नेहमी प्रमाणेच ग्लॅमरस दिसत होती. मात्र बेबी बंप लपविण्यासाठी तिने खास ड्रेसची निवड केली होती हे तिचा लूक पाहता लक्षता येतंय.
हे देखील वाचा: रणवीर सिंगनंतर ‘या’ अभिनेत्रीचं न्यूड फोटोशूट चर्चेत, सोशल मीडियावर फोटो व्हायरल
‘डार्लिंग’च्या ट्रेलर लॉन्चला आलियाने पिवळ्या रंगाचा टेन्ट ड्रेस परिधान केला होता. या ड्रेसमधील काही फोटो आलियाने तिच्या इन्स्टाग्राम अकाऊंटवरही शेअर केले आहेत. हा ड्रेस शॉर्ट असला तरी ढगळा असल्याने ड्रेसमध्ये आलियाचं बेबी बंप दिसत नाहिय. तर या पिवळ्या ड्रेससोबत तिने अगदी साधा मेकअप केल्याचं दिसून येतंय. कमी मेकअप आणि या पिवळ्या ड्रेसमध्येही आलियाचं सौंदर्य खुलून आलंय.
‘डार्लिंग्स’ हा डार्क कॉमेडी सिनेमा आहे. सिनेमामध्ये आलिया भट्टसोबत अभिनेत्री शेफाली शहा तसचं अभिनेता विजय वर्मा मुख्य भूमिकेत झळकणार आहेत. निर्माती म्हणून आलियाचा हा पहिला सिनेमा आहे.
