त्या क्षणिक सुखाने तिचे आयुष्य उद्धवस्त झाले!

१९९१ साली वर्ड इज आउट या मालिकेतून डेविना मॅक्कॉलने कारकिर्दीची सुरुवात केली. तीसपेक्षा जास्त चित्रपटांत काम करणाऱ्या या अभिनेत्रीने दिग्दर्शन क्षेत्रातही उत्तम यश मिळवले. डेड सेट, बीग ब्रदर, लॉंग लॉस्ट फॅमेलीया मालिकांनी तिला विषेश लोकप्रियता मिळवून दिली. पुढे सातत्याने मिळणाऱ्या यशाची धुंदी वाढली आणि हळूहळू ती व्यसनांच्या आहारी जाऊ लागली. याचा थेट परिणाम तिच्या स्वभावावर झाला. परिणामी तिचे नातेवाईक मित्रमंडळीही तिच्यापासून दुरावले. पुढे व्यावसायिक यशाचा आलेख खालावला. आर्थिक रसद संपुष्टात आली. सातत्याने मिळणाऱ्या अपयशाने ती इतकी खचली आहे की आता यातून ती बाहेर पडेल असे तिलाच वाटत नाही. त्यामूळे कोणत्याही क्षेत्रात काहीतरी भव्य दिव्य करण्याचे स्वप्न पाहणाऱ्या प्रत्येकाने अमली पदार्थांपासून दूर राहावे असा सल्ला तिने दिला आहे.