ऐश्वर्या राय बच्चन, मल्लिका शेरावत या बॉलीवूडमधील अभिनेत्रींनी हॉलीवूड चित्रपटांमध्ये काम केले आहे. आता यांमध्ये ‘चेन्नई एक्स्प्रेस’च्या यशाचा आनंद घेत असलेल्या दीपिकाचेही नाव जोडले गेले आहे. हॉलीवूडच्या ‘फास्ट अॅण्ड फ्युरियस’ चित्रपटाच्या सिक्वलमध्ये दीपिका काम करणार असल्याची माहिती सूत्रांनी दिली आहे. या चित्रपटाच्या सातव्या सिक्वलमध्ये ती व्हिन डिसेलसोबत काम करताना दिसेल. तसेच, दीपिकासह जॅसन स्टॅथम आणि ड्‌वेन जॉन्सन हे हॉलिवूडचे आघाडीचे अभिनेते चित्रपटात काम करणार आहेत. हा चित्रपट पुढील वर्षी प्रदर्शित होण्याची शक्यता आहे.
सध्या दीपिका दुबईमध्ये फराह खानच्या ‘हॅपी न्यू इयर’च्या शूटिंगमध्ये व्यस्त आहे. तसेच, ती लवकरच रजनीकांतसोबत तमिळ चित्रपट ‘कोचादैय्या’मध्ये दिसणार आहे.