दीप-वीरच्या संगीत सोहळ्यात या गायिकेने लावले चार चाँद

दीप-वीरचा संगीत आणि मेहंदी कार्यक्रम धूमधडाक्यात पार पडला. यावेळी हर्षदीपने कबीरा, दिलबरो, मनमर्जियां यांसारखी बॉलिवूड सुपरहिट गाणी गायली. इतकंच नव्हे तर स्वत: रणवीरने दीपिकासाठी खास गाणं गायल्याचं कळतंय. आज (बुधवारी) हा शाही विवाहसोहळा पार पडणार आहे. दीपिका – रणवीर पारंपारिक कोकणी आणि सिंधी पद्धतीने विवाहबद्ध होणार आहेत. दीपिका कर्नाटकातील सारस्वत ब्राह्मण असून कोकणी तिची मातृभाषा आहे.

See more

आज कोकणी पद्धतीने तर उद्या सिंधी पद्धतीने विवाहसोहळा संपन्न होणार असल्याचं समजतंय. या विवाहसोहळ्याला कोणालाही मोबाइल फोन वापरण्याची परवानगी नाही. हा दिवस संस्मरणीय करण्यासाठी दीप- वीरने लग्नासाठी बरीच तयारी केली आहे. बॉलिवूडमधल्या या खास लग्नाची उत्सुकता सर्वांनाच आहे. इटलीत विवाहसोहळा पार पडल्यानंतर दीपिका वीर लगेचच मुंबईत परतणार आहे. जे लग्नासाठी इटलीत उपस्थिती राहणार नाही त्यांच्यासाठी मुंबईत जंगी पार्टीचं आयोजन करण्यात आलं आहे.