Padmavati : .. असे झाले राणीसांचे फेअरवेल!

TOP 10 NEWS वाचा : मनोरंजन विश्वातील १० ठळक घडामोडी आणि गॉसिप

‘पद्मावती’ चित्रपटात दीपिकासोबत शाहिद कपूर, रणवीर सिंग, आदिती राव हैद्री यांच्याही भूमिका आहेत. १ नोव्हेंबरला दीपिका आणि आदितीने त्यांच्या वाट्याचे चित्रीकरण पूर्ण केले. त्यानंतर चित्रपटाच्या संपूर्ण टीमने या दोघींसाठी केक आणून त्यांना ‘फेअरवेल पार्टी’ दिली. दीपिकाच्या फॅनपेजने यासंबंधीचा व्हिडिओ शेअर केला आहे. केकवर ‘फेअरवेल राणीसा’ असे लिहिलेलं दिसते. तर आदितीने स्वतः शेअर केलेल्या ट्विटमध्ये तिच्यासाठी आणण्यात आलेल्या केकवर ‘फेअरवेल मेहरुनिसा’ असे लिहलेलं दिसते. सूत्रांनी दिलेल्या माहितीनुसार, ‘खल्ली बल्ली’ या गाण्याचे चित्रीकरण अद्याप बाकी असून, यात रणवीर आणि जिम सार्भ दिसणार आहेत.

वाचा : अखेर धीट ट्विंकल नमली; ‘त्या’ कमेंटबद्दल मागितली माफी

दरम्यान, ‘पद्मावती’ ही भूमिका साकारण्यासाठी दीपिकाने बरीच मेहनत घेतली आहे. तिच्या देखण्या रूपात भर पाडली ती तिने घातलेले दागिने आणि पारंपरिकतेची झाक असलेल्या तिच्या वेशभूषेने. भन्साळींच्या या स्वप्नवत चित्रपटासाठी दीपिकाने जवळपास ३५ किलोंचा लेहंगा घातला होता. यासोबत असलेल्या ओढणीचे वजन चार किलो होते. त्यामुळे ऐतिहासिक पात्र साकारण्याचा भार पेलण्यासोबतच तिने वेशभूषेचा भारही चांगलाच पेलला. चित्रपटातील दीपिकाचे सौंदर्य पाहून आणि तिच्या कपड्यांचे वजन ऐकून अनेकांच्या भुवया उंचावल्या आहेत.