अभिनेता रणबीर कपूरचा ‘शमशेरा’ चित्रपट २२ जुलै रोजी प्रदर्शित झाला होता. यशराजने बनवलेल्या या चित्रपटात रणबीर व्यतिरिक्त संजय दत्त आणि वाणी कपूरच्या मुख्य भूमिका होत्या. रणबीरचा कमबॅक सिनेमा असलेला ‘शमशेरा’ बॉक्स ऑफिसवर चांगली कमाई करेल, अशी शक्यता वर्तवली जात होती. पण चित्रपट यंदाच्या फ्लॉप चित्रपटांपैकी एक ठरला. त्यानंतर निर्मात्यांनी हा चित्रपट १९ ऑगस्ट रोजी ओटीटीवर रिलीज केला. आधीच फ्लॉप ठरलेल्या या चित्रपटामागचे ग्रहण संपायचे नाव घेत नाहीये. कारण आता दिल्ली हायकोर्टाने निर्मात्यांना एक कोटी रुपये जमा करण्याचे आदेश दिले आहेत.
हेही वाचा – “सलमान खान मानसिक आजारी…”; अभिनेत्याच्या एक्सने इन्स्टा पोस्टमधून केले गंभीर आरोप
दिल्ली हायकोर्टाने हा चित्रपट OTT वर प्रदर्शित करण्यास परवानगी दिली आहे. परंतु OTT वर चित्रपट प्रदर्शित करण्यासाठी, निर्मात्यांना रजिस्ट्रेशन म्हणून एक कोटी रुपये जमा करावे लागतील. बिक्रमजीत सिंग भुल्लर यांनी दाखल केलेल्या या खटल्याची सुनावणी न्यायमूर्ती ज्योती सिंग यांनी केली. हा चित्रपट ‘कबू ना छेडे खेत’ या साहित्यकृतीमधील कॉपीराइटचे उल्लंघन करत असल्याचा आरोप भुल्लर यांनी चित्रपट निर्मात्यांवर केला होता.
हेही वाचा – KBC मध्ये एक कोटी रुपयांसाठी स्पर्धकाला विचारण्यात आला ‘हा’ प्रश्न; तुम्हाला उत्तर माहितीये का?
“गेल्या महिन्यात प्रदर्शित झालेला चित्रपट आणि शुक्रवारी OTT वर रिलीज झाला, पण ते प्रदर्शन कायम ठेवण्यासाठी निर्मात्यांना २२ ऑगस्टपर्यंत न्यायालयाच्या रजिस्ट्रार जनरलकडे एक कोटी रुपये जमा करावे लागतील. दोन्ही पक्षांमध्ये संतुलन ठेवण्यासाठी हा निर्णय घेण्यात आला आहे,” असं १८ ऑगस्ट रोजी झालेल्या सुनावणीत न्यायमूर्तींनी सांगितलं.
हेही वाचा – “मी आईच्या मैत्रिणीसोबत सेक्स केल्याचं समजताच…”; ‘लॉक अप’ फेम शिवम शर्माने सांगितली कुटुंबियांची प्रतिक्रिया
दरम्यान, २२ ऑगस्ट पर्यंत निर्मात्यांना एक कोटी रुपये जमा करावे लागतील. या तारखेपर्यंत पैसे जमा न केल्यास चित्रपटाच्या ओटीटी रिलीजवर ब्रेक लावला जाईल, असंही दिल्ली उच्च न्यायालयाने आपल्या आदेशात म्हटलंय.
