Dhanashree Verma New Song: अभिनेत्री व नृत्यदिग्दर्शिका धनश्री वर्मा आणि भारतीय क्रिकेट संघातला स्टार स्पिनर युजवेंद्र चहल यांचा घटस्फोट झाला आहे. गुरुवारी २० मार्चला मुंबईतील वांद्रे फॅमिली कोर्टात दोघांच्या घटस्फोटाची सुनावणी झाली. या कोर्टाबाहेरील दोघांचे व्हिडीओ सध्या सोशल मीडियावर खूप चर्चेत आले आहेत. चहल मास्क घालून कोर्टाच्या आवारात पाहायला मिळाला. तर धनश्री गॉगल लावून कोर्टात पोहोचली होते. दोघेही घाईघाईने कोर्टात जाताना दिसले होते. आता धनश्री व चहल यांचा मार्ग वेगवेगळा झाला आहे. घटस्फोटानंतर धनश्री वर्माचं नवीन गाणं प्रदर्शित झालं आहे. धनश्रीच्या या नव्या गाण्याने सध्या सगळ्यांचं लक्ष वेधून घेतलं आहे.
‘देखा जी देखा मैंने’ असं धनश्री वर्माच्या नव्या गाण्याचं नाव आहे. या गाण्यातला विषय टॉक्सिक रिलेशनशिपवर आधारित आहे. या गाण्यात धनश्रीसह ‘पाताल लोक’ फेम इश्वाक सिंह प्रमुख भूमिकेत झळकला आहे. धनश्री वर्माचं हे गाणं सध्या खूप व्हायरल होतं. धनश्री व चहलमधील सद्य परिस्थितीवर हे गाणं आधारित आहे की काय? असा प्रश्न नेटकरी उपस्थित करू लागले आहेत.
धनश्री ‘देखा जी देखा मैंने’ गाण्यात टॉक्सिक रिलेशनशिपचा सामना करताना दिसत आहे. गाण्यात रील लाइफ पती धनश्रीला मारताना पाहायला मिळत आहे. तसंच धनश्री पतीला दुसऱ्या स्त्रीबरोबर शारीरिक संबंध ठेवताना बघते. त्यानंतर ती घर सोडण्याचा निर्णय घेते. तेव्हादेखील रील लाइफ पती तिला आरश्यावर ढकलून देतो, अशी कथा दाखवत दुसऱ्याबाजूला धनश्रीचा जबरदस्त डान्स पाहायला मिळत आहे. सध्या धनश्रीचं हे नवं गाणं युट्यूबवर खूप ट्रेंड होतं आहे.
धनश्री वर्मा व युजवेंद्र चहलची लव्हस्टोरी…
लॉकडाऊनमध्ये धनश्री व चहलची व्हर्च्युअली पद्धतीने भेट झाली होती. यावेळी चहलने धनश्रीचा ऑनलाइन डान्स क्लासमध्ये सहभाग घेतला होता आणि मग चहलची धनश्री डान्स गुरू झाली. तेव्हाच दोघांची ओळख झाली. त्यानंतर काही काळाने धनश्री व चहल एकमेकांच्या प्रेमात पडले. एकेदिवशी चहलने धनश्रीला डेटवर बोलावून तिच्यासमोर प्रेम व्यक्त केलं होतं. २०२०मधील आयपीएलला जाण्याआधी चहलने धनश्रीबरोबर साखरपुडा उरकला. या सारखपुड्याचे फोटो शेअर करून दोघांनी सर्वांना सुखद धक्का दिला होता.
८ ऑगस्टला धनश्री व चहलचा साखरपुडा झाला होता. आयपीएलवरून परतल्यानंतर २२ डिसेंबर २०२०मध्ये दोघं लग्नबंधनात अडकले. मोठ्या थाटामाटात धनश्री व चहलचं लग्न झालं होतं. लग्नानंतर दोघं सतत एकत्र दिसायचे. तसंच सोशल मीडियावर एकत्र रील व्हिडीओ करायचे. पण, २०२३मध्ये धनश्री व चहलच्या नात्यात तेढ निर्माण होतं असल्याचं समोर आलं. यावेळी दोघं विभक्त होण्याच्या चर्चेला उधाण आलं होतं. मात्र, तेव्हा ही अफवा असल्याचं दोघांनी सांगितलं. अखेर २० मार्च २०२५ धनश्री वर्मा व युजवेंद्र चहलचा घटस्फोट झाला.
