धनुषचा रोमँटिक अंदाज पाहून चक्क लाजली होती ऐश्वर्या, व्हायरल होतोय जुना व्हिडीओ

सोशल मीडियावर व्हायरल झालेल्या या व्हिडीओमध्ये धनुष त्याची पत्नी ऐश्वर्यासाठी गाणं गाताना दिसत आहे. धनुष- ऐश्वर्याचा हा व्हायरल व्हिडीओ पाहून त्यांचे चाहते मात्र भावुक झाले आहेत. या व्हिडीओमध्ये धनुष, त्याचे सासरे रजनीकांत यांच्या ‘पेट्टा’ चित्रपटातील ‘Ilamai Thirumbuthae’ हे गाणं गाताना दिसतोय. या व्हिडीओमध्ये पत्नी ऐश्वर्यासाठी जे त्याचं प्रेम दिसत आहे. ते खरंच सर्वांना भावुक करणारं आहे. धनुषचा हा रोमँटिक अंदाज पाहून ऐश्वर्या चक्क लाजताना दिसत आहे.

आणखी वाचा

“कोण होणार मुख्यमंत्री?” शिंदे की फणडवीस? कोणाचा पक्ष मारणार बाजी? ज्योतिषतज्ज्ञांनी सांगितली भविष्यवाणी

Ladki Bahin Yojna : लाडक्या बहिणींना २१०० रुपयांसाठी…

NOTA in Elections : NOTA खरंच महत्त्वाचे आहे का? सर्वाधिक मते नोटाला मिळाले तर काय होईल?

दरम्यान आपल्या घटस्फोटाची माहिती देताना धनुषनं सोशल मीडियावर एक पोस्ट शेअर केली आहे. धनुषनं लिहिलं, ‘मित्र, पती-पत्नी, पालक आणि एकमेकांचे शुभचिंतक म्हणून १८ वर्षं सोबत राहिलो. आज आम्ही एका अशा ठिकाणी उभे आहोत, जिथे आमचे मार्ग वेगळे आहेत. ऐश्वर्या आणि मी वेगळं होण्याचा निर्णय घेतला आहे. त्यामुळे आमच्या निर्णयाचा स्वीकार करावा’ याशिवाय अशाच पद्धतीची पोस्ट ऐश्वर्याने तिच्या इन्स्टाग्राम अकाउंटवर देखील केली आहे.

धनुषच्या कामाबद्दल बोलायचं तर अलिकडच्या काळात त्याचा ‘अतरंगी रे’ हा चित्रपट प्रदर्शित झाला होता. ज्यात त्याच्यासोबत अक्षय कुमार आणि सारा अली खान यांच्या मुख्य भूमिका होत्या. त्याआधी तो ‘रांझणा’ या बॉलिवूड चित्रपटात दिसला होता. आगामी काळात त्याचा ‘Maaran’ हा चित्रपट प्रेक्षकांच्या भेटीला येणार आहे. सध्या तो ‘Vaathi’ या चित्रपटाच्या शूटिंगमध्ये बिझी आहे.