सोशल नेटवर्किंगवर कधी काय चर्चेत येईल सांगता येत नाही. सध्या सोशल नेटवर्किंगवर असाच एक विषय चर्चेत आहे तो म्हणजे ‘देव डी’ हा सिनेमा. यामागील कारण म्हणजे या सिनेमातील लोकप्रिय ठरलेले आणि आजही आनेकांना आवडणारे गाणे ‘इमोश्नल अत्याचार.’

झालं असं की एका व्यक्तीने ‘देव डी’ या सिनेमामधील ‘तेरा इमोशनल अत्याचार’ या गाण्याचा फोटो शेअर केला. २००९ साली प्रदर्शित झालेल्या ‘देव डी’  या सिनेमातील या गाण्यामध्ये दिसणाऱ्या दोन गायकांपैकी एकजण हा अभिनेता नवाजुद्दीन सिद्दीकी आहे असं या युझरने आपल्या ट्विटमध्ये म्हटलं.

अनेकांनी आपल्याला याबद्दल काहीच ठाऊक नव्हते असे मत नोंदवले. पहिल्यांदाच या गाण्यात दिसणारा अभिनेता हा नावजुद्दीन असल्याचे समजल्यानंतर अनेकांनी यावर कमेंट करु लागले अन् अचानक हे ट्विट चर्चेत आले.

दरम्यान अनेकांनी या ट्विटवर नवाजुद्दीनने सरफरोश आणि मुन्नाभाई एमबीबीएस सिनेमामध्ये काम केल्याचेही सांगितले आहे.