छोट्या पडद्यावरील अतिशय लोकप्रिय मालिकांच्या यादीमधील एक मालिका म्हणजे ‘तारक मेहता का उल्टा चष्मा.’ या मालिकेतील जेठालाल ही भूमिका साकारणारे दिलीप जोशी यांची मुलगी नीयती लवकरच लग्न बंधनात अडकणार आहे. नुकताच तिच्या मेहंदी कार्यक्रमातील एक व्हिडीओ समोर आला आहे. या व्हिडीओमध्ये दिलीप जोशी जबरदस्त डान्स करताना दिसत आहे.
मुंबईतील पंचतारांकित हॉटेलमध्ये दिलीप जोशी यांनी मुलीचे लग्न ठेवले आहे. त्यासाठी त्यांनी स्वत: सर्व तयारी केली आहे. दरम्यान, मेहंदी कार्यक्रमातील एक व्हिडीओ समोर आला आहे. या व्हिडीओमध्ये दिलीप जोशींचा जबरदस्त डान्स पाहायला मिळत आहे. त्यांनी निळ्या रंगाचा ड्रेस घातला आहे. सूत्रांनी दिलेल्या माहितीनुसार, दिलीप जोशी यांच्या मुलीच्या मेहंदी कार्यक्रमाला अनेक कलाकारांनी हजेरी लावली होती. कलाकारांनी गरबा खेळत मजामस्ती केली. सध्या दिलीप जोशी यांचा डान्स करतानाचा हा व्हिडीओ सोशल मीडियावर तुफान व्हायरल झाला आहे.
आणखी वाचा : लोकांनी शिव्या दिल्या की…; ‘आई कुठे काय करते’मधील अनिरुद्धची पोस्ट चर्चेत
११ डिसेंबर रोजी नीयतीचे लग्न होणार आहे. ती एका एनआरआयशी लग्न करणार आहे. सूत्रांनी दिलेल्या माहितीनुसार, हा विवाह सोहळा थाटामाटात पार पाडला जाणार आहे. मुंबईतील ताज हॉटेलमध्ये त्यांनी लग्न सोहळा ठेवला आहे. दिलीप जोशी सर्व गोष्टींकडे स्वत: लक्ष देत आहेत. तारक मेहता का उल्टा चष्मा मालिकेची संपूर्ण टीमला लग्न सोहळ्याचे आमंत्रण देण्यात आले आहे. दिशा वकानीला देखील आमंत्रण देण्यात आले आहे.
