“पण खंत एकच आहे की शिवसेनेचा…”, केदार शिंदे यांची ‘ती’ पोस्ट चर्चेत

केदार शिंदे यांनी नुकतंच इन्स्टाग्रामवर एक पोस्ट शेअर केली आहे. यात त्यांनी त्यांचे आजोबा म्हणजे शाहिर साबळे आणि शिवसेनाप्रमुख बाळासाहेब ठाकरे यांच्याबद्दल एक पोस्ट शेअर केली आहे. यात त्यांनी एक फोटोदेखील पोस्ट केला आहे. या फोटोत बाळासाहेब ठाकरे, शाहीर साबळे दिसत आहे. त्यांनी शिवसेनेच्या स्थापना दिनानिमित्त केदार शिंदे यांनी काही आठवणी ताज्या केल्या आहेत. शाहीर साबळे यांच्या कन्या आणि लेखिका वसुंधरा साबळे यांनी याबाबत शेअर केलेली ही पोस्ट केदार शिंदेंनी पुन्हा शेअर केली आहे.

आणखी वाचा

“तो कारमध्ये एक हॉकी स्टिक…”, रोहित शेट्टीने अजय देवगणबाबत केला खुलासा; अभिनेता म्हणाला, “आता मी…”

Devendra Fadnavis Income : उपमुख्यमंत्र्यांची एकूण संपत्ती किती?…

“पंतप्रधान मोदी म्हणजे ‘झुटों के सरदार’, त्यांनी हेच लाल संविधान…”; ‘त्या’ टीकेला मल्लिकार्जून खरगेंचं प्रत्युत्तर!

“अंकिता आणि आमचे दाजी…”, वैभव चव्हाणने ‘कोकण हार्टेड गर्ल’बरोबरचे शेअर केले फोटो; नेटकरी म्हणाले, “विश्वास बसत नाही…”

दखल: बायजाबाई यांच्या कर्तृत्वाचा आढावा

“चोवीस तास उपलब्ध राहणाऱ्या आमदाराचा विचार करा”, खासदार डॉ. श्रीकांत शिंदे यांचे आवाहन

कल्याण ग्रामीणमध्ये श्रीकांत शिंदे – राजू पाटील यांच्यातील संघर्ष टोकाला

”महाविकास आघाडीचा जाहीरनामा ही पंचसूत्री नसून थापासुत्री”; मुख्यमंत्री एकनाथ शिंदे यांची टीका!

“शाहीरांनी गायक म्हणून नावारुपास यावं यासाठी लतादीदीही आग्रही होत्या पण…”, केदार शिंदेंनी सांगितली भावूक आठवण

केदार शिंदेंची इन्स्टाग्राम पोस्ट

“आज शिवसेनेचा स्थापना दिवस…जुन्या आठवणी पुन्हा जाग्या झाल्या…ठाकरेकाका ( बाळासाहेब ठाकरे ) यांच बाबांना भेटायला आमच्या घरी येणं…बाबांच मातोश्रीवर वरचेवर जाणं…फोनवरुनही सतत चर्चा करणं..महाराष्ट्रभर आमच्या गाडीने दोघांनीच केलेला दौरा…पश्चिम महाराष्ट्रातल्या त्या वेळच्या मोठमोठ्या नेत्यांच्या दहशतीला न जूमानता बाबांनी ठाकरेकाकांच्या ठीकठीकाणी भरवलेल्या सभा…शिवसेनेचा विचार ठामपणे तरुणांपुढे यावा म्हणून निर्माण केलेलं “आंधळं दळतयं ” मुक्तनाट्य…जागृत झालेल्या मराठी तरुणांनी परप्रांतीयांविरुध्द पेटवलेली पहीली दंगल…बाबांचे आणि ठाकरे काकांचे ट्याप होणारं फोन संभाषण…

दंगलीनंतर एका प्रसीध्द इंग्रजी दैनीकाने बाबांचा भलामोठा फोटो वर्तमानपत्रात छापून ” बाळासाहेबांना गुमराह करणारा हाच तो रक्त पीपासू माणूस ” म्हणून केलेली बाबांची नीर्भत्सना…शिवसेनेने राजकारणात पडू नये म्हणून बाबांनी केलेला आटापीटा…ऐशी टक्के समाजकारण आणि वीसटक्के राजकारण हे ब्रीद असलेल्या शिवसेनेच राजकारणातच सक्रीय होणं आणि बाबांच शिवसेनेपासून दूर होणं…आज हे सर्व आठवतय…शेवटपर्यंत शिवसेनेलाच मत देणारे बाबा आणि शेवटपर्यंत साबळे कुटूंबावर प्रेम करणारे ठाकरेकाकाही आठवतायत…पण खंत एकच आहे की शिवसेनेचा इतिहास लीहीला जाईल तेव्हा त्यात बाबांच्या योगदानाचा उल्लेख नसेल…मात्र बाबांना श्रध्दाजली वाहाताना उध्दव ठाकरे याचा उल्लेख करायला विसरले नाहीत हे ही कमी नाही…आजही दोन्ही ठाकरे बंधूंनी आमच्या कुटुंबाबरोबर तसच स्नेहपुर्ण नात टिकवून ठेवलय…शिवसेना शतायु होवो…मराठी आणि शिवसेना हे समीकरण आबाधीत राहो…..”जय महाराष्ट्र”, अशी पोस्ट केदार शिंदे यांनी केली आहे.

दरम्यान केदार शिंदे दिग्दर्शित, केदार शिंदे प्रॉडक्शन्स प्रस्तुत व बेला केदार शिंदे निर्मित ‘महाराष्ट्र शाहीर’ या चित्रपटात शाहिरांच्या मुख्य भूमिकेत अंकुश चौधरी झळकणार आहे. या चित्रपटाची पटकथा व संवाद प्रतिमा कुलकर्णी यांनी लिहिले आहेत. या चित्रपटातील संगीत महाराष्ट्राचे लाडके गायक अजय- अतुल यांनी दिले आहे. हा चित्रपट २८ एप्रिल २०२३ मध्ये प्रदर्शित होणार आहे. या चित्रपटाची घोषणा महाराष्ट्र दिनाच्या शुभमुहूर्तावर करण्यात आली होती.