छोट्या पडद्यावरील सगळ्यात लोकप्रिय विनोदी शो म्हणजे ‘द कपिल शर्मा’ आहे. या शोमधून घराघरात पोहचलेली कॉमेडियन सुगंधा मिश्रा आणि विनोदवीर डॉ.संकेत भोसले लग्न बंधनात अडकले आहेत. २७ एप्रिल रोजी जालंधरमध्ये त्यांचा लग्न सोहळा पार पडला. संकेतने त्याच्या लग्नाच्या सोहळ्याचे अनेक फोटो सोशल मीडियावर चाहत्यांसोबत शेअर केले आहेत. त्यातील नुकताच एक फोटो सोशल मीडियावर व्हायरल झाला आहे. मात्र, सगळ्यांचे लक्ष हे त्याने दिलेल्या कॅप्शनने वेधले आहे.
संकेतने हा फोटो त्याच्या इन्स्टाग्राम अकाऊंटवरून शेअर केला आहे. या फोटोत संकेतने कुर्ता परिधान केला आहे. तर सुगंधाने नारंगी रंगाची साडी नेसली आहे. ते दोघेही फोटोमध्ये हात जोडून उभे असून सगळ्यांनी दिलेल्या आशिर्वादाचे आणि शुभेच्छांचे आभार मानत आहेत. तर सगळ्यांचे लक्ष हे संकेतने दिलेल्या कॅप्शनने वेधले आहे. मुलगी ‘मराठी’ प्रगती झाली, आम्हाला आशिर्वाद आणि शुभेच्छा दिलेल्या सगळ्यांचे मनापासून आभार, असे कॅप्शन संकेतने दिले आहे.
View this post on Instagram
View this post on Instagram
View this post on Instagram
गेल्या चार वर्षांपासून सुगंधा मिश्रा आणि संकेत भोसले रिलिशनशिपमध्ये होते. त्यानंतर दोघांनी लग्न करण्याचा निर्णय घेतला. २६ एप्रिल रोजी या दोघांनी लग्न केले.
