राजघराण्यात पाळणा हलणार, मेगन होणार आई

अशी सुरू झाली मेगन आणि प्रिन्स हॅरीची प्रेमकहाणी
मेगन आणि हॅरीची प्रेमकहाणी कोणा एका परिकथेप्रमाणेच आहे असे म्हणायला हरकत नाही. २०११ मध्ये मेगनने अभिनेता ट्रेवर इंगल्सनशी लग्न केलं होतं. मात्र २०१३ मध्ये दोघांनी विभक्त होण्याचा निर्णय घेत घटस्फोट दिला. जून २०१६ पासून ती प्रिन्स हॅरीसोबत रिलेशनशिपमध्ये आहे. एका मित्राने त्या दोघांनाही ‘ब्लाइंड डेट’वरही पाठवले होते. त्यावेळी ते दोघेही एकमेकांना ओळखत नव्हते. किंबहुना हॅरीने मेगनचे नावही कधीच ऐकले नव्हते. मेगनलाही ब्रिटनच्या शाही कुटुंबाविषयी फार माहिती नव्हती, त्यामुळे हॅरीसोबत डेटवर जाण्यापूर्वी तीसुद्धा साशंक होती. पण, त्यानंतर मात्र या दोघांची मनं जुळली आणि एका वेगळ्याच प्रवासाला सुरुवात झाली.

१९ मे २०१८ मध्ये मेगन आणि प्रिन्स हॅरी विवाहबंधनात अडकले. विवाहनंतर मेगननं अभिनयाला पूर्णपणे सोडचिठ्ठी दिली. सध्या हे शाही जोडपं ऑस्ट्रेलियाच्या दौऱ्यावर आहेत.