भारतात ‘या’ गाण्याची क्रेझ अजूनही; तब्बल ५० कोटी व्ह्यूजचा टप्पा पार

‘शेप ऑफ यू’च्या लोकप्रियतेनं सर्वांनाच थक्क केलं असून अनेकांनी तर या गाण्याचे रिक्रिएटेड व्हर्जन्सही शेअर केले आहेत. ‘सावन’, ‘गाना’, ‘हंगामा’ आणि ‘विंक’ यांसारखे ऑडिओ स्ट्रीमिंग प्लॅटफॉर्म या गाण्याची लोकप्रियता पाहून आश्चर्यचकीत झाले आहेत. इतर कोणत्याच गाण्याला एवढी लोकप्रियता मिळाली नव्हती.

वाचा : सुपरस्टार बहीणसुद्धा ‘तिचं’ नशिब बदलू शकली नाही

‘सोनी म्युझिक इंडिया’चे आंतरराष्ट्रीय संगीत प्रमुख अर्जुन शंकालिया यांनी याबाबत म्हटलं की, ‘भारतातील लोकांमध्ये एक नवीन पॅटर्न पाहायला मिळतोय. जे हिंदी आणि प्रादेशिक गाण्यांशिवाय इंग्रजी गाण्यांना ऐकणं अधिक पसंत करत आहेत. एड शीरनसारख्या कलाकारांनी भौगोलिक सीमा ओलांडल्या आहेत. कारण इंदौर, भिलाई, पटियाला आणि कोच्ची यांसारख्या भागांतही हे गाणं मोठ्या प्रमाणावर ऐकलं जात आहे. तसंच त्या भागात एड शीरनच्या चांगला प्रतिसाद मिळतो आहे.